Қыздар турнирінің кезекті турына шолу.
«Қайсар» – «Ордабасы»
Екі команда да маусымды ірі есеппен жеңілістен бастады. Қызылордалық футболшылар «Шахтерден» ұтылса (1:5), Азизбек Турсуметовтың шәкірттері «Қайраттан» жауапсыз алты доп өткізіп алды.
Дегенмен «Қайсардың» да, «Ордабасының» да өз мүмкіндіктері болып, қақпаға соққы бағыттаған еді. Бұл кездесудің нәтижесін болжау оңай емес – қыздар турнирінің дебютанттары да, Шымкенттен келген қонақтар да жеңіске жетуі мүмкін.
«Шахтер» – «Тобыл»
«Шахтер» футболшылары өткен маусымды турнирлік кестеде соңғының алдындағы орында аяқтаған болатын, бірақ өткен аптада Сергей Поленовтың командасы бұл жыл мүлдем басқаша өтуі мүмкін екенін көрсетті. Ал «Тобыл» жаңа чемпионатты сәтсіз бастады («Астанадан» 0:4 есебімен ұтылды), бірақ бұл жағдай қостанайлық ойыншыларды өз ойынын жақсартуға одан сайын қамшылайтыны анық.
Бүгінгі таңда командалар арасындағы өзара кездесулер есебі – 1:1, әрі екі команда да тек өз алаңында жеңіске жеткен. Алдағы турда «Шахтер» бұл сәйкестікті заңдылыққа айналдыра алады немесе мұндай мүмкіндіктің тас-талқанын шығаруы мүмкін.
Қыздар турнирінің жаңа маусымындағы жарқын дебютанттардың бірі 14 жасар Полина Сафонова болды – оның еншісінде «Қайсар» қақпасына соғылған дубль бар, оның үстіне ол алаңда тек 63 минут қана ойнады. «Күлше қыздардың» (золушек) шабуылшысы қарағандылық клубтың жанкүйерлерін тағы да жағымды жаңалығымен таңғалдыра ала ма?
«Кайрат» – «Ақтөбе»
«Ордабасы» қақпасына алты гол соққан қазіргі чемпиондар өткен жылғы жетістікті қайталауға жақсы негіз қалады – естеріңізге сала кетейік, Оксана Коханнаяның шәкірттері Лигада әлі бірде-бір рет ұпай жоғалтқан жоқ.
Ал «Ақтөбенің» жаңа маусымдағы алғашқы матчы екі тараптан да голсыз аяқталды. «Ақ-қызылдардың» гол соғуға барынша тырысқанына қарамастан (қақпаға 14 соққы бағытталды, оның 8-і тура шықты), «Ертіс» өз қақпасын аман алып қалды.
Соған қарамастан, «Қайрат» пен «Ақтөбе» арасындағы матчтар жанкүйерлер үшін бітімсіз бәсеке болғандықтан, тарихи түрде ерекше назарда болады. Freedom QJ League W аясында өткен жылғы екі кездесу «ақ-қызылдар» үшін аса жағымды болған жоқ – 1:7 және 0:8. Бұл жолы қалай болар екен?
«Ертіс» – «Астана»
Жоғарыда айтылғандай, павлодарлық команда алғашқы турда Ақтөбеден тең ойынмен қайта алды. Енді «Ертіс» өз алаңында ойнау артықшылығына ие болады, бірақ елордалық команда – өте салмақты қарсылас.
«Астана» маусымды «Тобылды» ірі есеппен жеңіп (4:0) бастады, бұл ойында бірден үш нәтижелі пас берген Жібек Марат ерекше рөл атқарды. Павлодарлық футболшылар қонақтардың шабуыл шебін тоқтатып, олардың қорғанысын бұза алар ма екен?
.webp)