Ислам Чесноков – Freedom QJ League амбассадоры!

Қоғамдық кеңістікте Лиганың құндылықтарын ілгерілетуге шотландиялық «Харт оф Мидлотиан» клубы мен Қазақстан ұлттық құрамасының жартылай қорғаушысы, Өскемен тумасы Ислам Чесноков көмектесетін болады

26 жастағы Ислам – «Алтай» футбол клубының түлегі, ол негізгі құрамдағы дебютін 2018 жылы жасады. 2021 жылы «Белшинамен» (Бобруйск, Беларусь) келісімшартқа отырды, ал 2023 жылы Қазақстанға оралып, қостанайлық «Тобылмен» бірге Қазақстан Кубогының екі дүркін иегері атанды (2023, 2025). Сонымен қатар, оның еншісінде ел Суперкубогы (2024) мен ел чемпионатының қола медальдары (2025) бар.

Осы жылдың қаңтар айында Чесноков «Харт оф Мидлотиан» клубына қосылып, оның құрамында Шотландия чемпионатының күміс жүлдегері атанды.

«Freedom QJ League амбассадоры атанғаныма қуаныштымын. Өз алғысымды білдіріп, Лигаға тек жарқын болашақ тілеймін.

Лиганың біздің футболға қаншалықты көп үлес қосып жатқанын бәріміз көріп отырмыз. Жақын болашақта қазақстандық футболдың атын шығаратын жас жұлдыздар бұдан да көп шығады деп үміттенемін», – деді Ислам Чесноков Freedom QJ League кеңсесіне барған сапары барысында.