U-18 командаларының алдағы матчтарынан не күтуге болатынын талдаймыз.
«Астана» – «Тобыл»
Елордалық команда қатарынан тоғыз тур бойы жеңіске жете алмай келеді – соңғы рет 9-турда үш ұпай алған, ал өткен демалыста Ақтөбеде 2:6 есебімен ойсырай ұтылды. 16 ұпай жинаған «Астана» тоғызыншы орында тұр.
Алаң иелерінің міндетін кадрлық шығындар қиындата түседі: қызыл қағаз алған қақпашы Тамерлан Жанабергенов пен қорғаушы Таир Дулат бұл матчқа қатыспайды.
Ал «Тобыл» кездесуге жақсы қарқынмен келеді: қатарынан екі жеңіс қостанайлықтарға 26 ұпаймен үздік алтылықтағы орнын нығайтуға мүмкіндік берді.
Дегенмен елордада қонақтар Наби Таласбексіз ойнайды – шабуылшы сары қағаз лимитін толтырды. Оның еншісінде «гол+пас» жүйесі бойынша 4+2 көрсеткіші бар.
«Ертіс» – КФФ Академиясы
Павлодарда турнир кестесінің әр бөлігінде тұрған, бірақ нәтижелері бірдей тұрақсыз екі команда кездеседі. «Ертіс» 12 ұпаймен соңғы орында келеді және қатарынан екі рет жеңілді. Соңғысы – Қостанайдағы 2:3 есебі.
Алаң иелеріне үйдегі статистика үміт береді: павлодарлықтар өз алаңында мүмкін болған 27 ұпайдың тоғызын жинаса, сырт алаңда небәрі үш ұпай алды. Шабуылдағы басты тұлға – 5+4 көрсеткіші бар Мадияр Есен.
КФФ Академиясы соңғы бір айдағы ең сенімді ойынынан кейін келеді: «Таразды» 4:1 есебімен жеңу үш матчтық жеңіліс сериясын тоқтатты. Команда 23 ұпаймен жетінші орында, ал оның басты ерекшелігі – 18 турда небәрі екі рет тең түскен. Бұл көрсеткіш тек «Қайратта» аз.
«Тараз» – «Қайсар»
«Тараз» 19 ұпаймен сегізінші орында тұр, алайда қатарынан екі жеңілістен кейін төменгі бөліктегі командалардан арадағы айырмашылық барынша қысқарды.
Алаң иелерінің басты артықшылығы – өз алаңы: оңтүстік командасы 19 ұпайының 14-ін дәл Таразда жинады. Бұған Расул Нұрманбайдың нәтижелі ойынын (9+3) және Диас Ұндаштың 62 сейвін қосуға болады.
«Қайсардың» жағдайы күрделірек: 15 ұпай, оныншы орын және 56 жіберілген гол. Соңғы бес турдың төртеуінде қызылордалықтар жеңіліп қалды, соның ішінде «Шахтерден» өз алаңындағы 1:2 есебімен болған жеңіліс те бар.
Соған қарамастан «қасқырлар» сырт алаңдағы жалғыз жеңісін ірі есеппен тіркеді – КФФ Академиясын 3:0 есебімен ұтты. Сондықтан қонақтарды есептен шығаруға әлі ерте.
Оның үстіне олардың құрамында Ернар Парда (7+4) мен Мади Женісұлы (7+1) бар. «Қайсар» құрамын Ернұр Сейтбековтің дисквалификациясы әлсіретеді.
«Ақтөбе» – «Жас Қыран»
Үздік төрттікке ену үшін тікелей бәсеке: екі командада да 26 ұпай және көрсеткіштері де бірдей – жеті жеңіс, бес тең ойын және алты жеңіліс.
«Қызыл-ақтар» қатарынан екі турда жеңіске жетті, ал олардың шабуылы нәтижелілік бойынша лигада үшінші орында – 41 гол. Екінші жағы – 42 жіберілген доп. Соның салдарынан төртінші орында тұрған команданың доп айырмасы теріс.
Команданың қозғаушы күші – «гол+пас» жүйесі бойынша 9+9 көрсеткіші бар Аян Аманжұлов. Одан кейін Ибрахим Бауыржанов (7+7) келеді, ал Бикжан Жанаев небәрі 11 матчта сегіз гол соқты.
Ал «Жас Қыран» қатарынан екі тур бойы жеңіске жете алмай жүр. Оның үстіне қонақтар бірден екі ойыншысынан айырылды: Сергей Шарунов (7+3) пен Надер Мовафи Махмуд дисквалификация өтеп жатыр.
Негізгі үміт – Алан Луканин. Ол команда сапында он гол межесіне жеткен жалғыз ойыншы (10+5). Бірінші айналымда «Ақтөбе» Алматыда 2:1 есебімен жеңіске жеткенін де атап өтейік.
«Шахтер» – «Ордабасы»
«Шахтер» 41 ұпаймен екінші, ал «Ордабасы» 33 ұпаймен үшінші орында тұр. Шымкент командасының жеңісі екінші орын үшін күрестегі интриганы қайта күшейтеді.
Қарағандылықтардың үйдегі статистикасы таңғалдырады: тоғыз матчта тоғыз жеңіс, доп айырмасы – 28:2. «Кеншілер» маусымдағы жалғыз жеңілісін Алматыда «Қайраттан» (1:3) көрді, ал жалпы небәрі 11 гол жіберген – бұл чемпионнан кейінгі үздік көрсеткіш.
Алаң иелері үшін алаңдатарлық жайт – кадрлық шығындар: қызыл қағаздарына байланысты Илья Гезик пен Данил Литвиненко ойнамайды.
«Ордабасы» Қарағандыға осы маусымда «Қайраттан» алғаш болып ұпай алған команда ретінде келеді: өткен турда 1:1. Жалпы шымкенттіктер сырт алаңда ымырасыз ойнайды: тоғыз матчта бес жеңіс және төрт жеңіліс, бірде-бір тең ойын жоқ. Шабуыл көшбасшысы Адилбек Турдах (13+5) – лиганың екінші үздік сұрмергені, ал оған Дияр Рахимжанов (6+5) көмектеседі.
Бірінші айналымдағы Шымкенттегі матч 1:1 есебімен тең аяқталған.
«Қайрат» – «Каспий»
Есеп қарапайым: жексенбі күнгі жеңіс «Қайратты» мерзімінен бұрын чемпион етеді. Ал
.webp)
.webp)