.webp)
Freedom QJ League ойыншылары Freedom Bank-пен бірлескен қазақстандық жасөспірімдерді қолдау бағдарламасы аясында алғашқы төлемдерін алды.
Еске сала кетейік, осы маусымда Лига турнирлерінің барлық қатысушылары эксклюзивті футбол дизайнымен жасалған Freedom Bank картасын ашу мүмкіндігіне ие болды: олар – Student Card (14-тен 17 жасқа дейінгі ойыншылар үшін) және SuperCard (18 жасқа толғандар үшін).
Лига матчтарында алаңда өткізген әрбір минут үшін бұл карталардың иелері жағымды бонус – Freedom инвестициялық валютасында 75 теңге алады. Бұл бонустарды кәдімгі ақша сияқты жұмсауға болады: зат сатып алуға, аударымдар жасауға, байланыс ақысын төлеуге және т.б.
Қаражат ай сайын аударылады. Карта иелері сәуір айында өткен А Лигасының алғашқы екі матчы үшін төлемдерді алып үлгерді. Тек ҚФФ Академиясы мен «Қайсар» арасындағы 2-ші турдың 30 мамырға ауыстырылған ойындары ғана ерекшелік болды.
Төрт турнирдің сәуір айындағы барлық матчтарын қосқанда, ойыншылар жалпы алғанда 86 180 минут ойнады. Төлемдердің жалпы сомасы 6 463 500 теңгені құрады, ал екі турда бастан-аяқ (ысқырықтан ысқырыққа дейін) ойнаған футболшылар алған максималды сома 13 500 теңгеге жетті.
Мамыр айының қорытындысы бойынша алғашқы төлемдерді Freedom QJ League B ойыншылары алады, ал маусымда бұл бағдарламаға қыздар турнирінің футболшылары да қосылады.
Бұдан бөлек, өткен жылдағыдай, маусым қорытындысы бойынша барлық жас санаттарындағы «үздік қақпашы», «үздік қорғаушы», «үздік жартылай қорғаушы» және «үздік шабуылшы» номинацияларының жеңімпаздары Freedom Bank-тен Freedom инвестициялық валютасында 200 000 теңгеден алады.
Сәнді кобрендингтік Freedom QJ League картасын Freedom Bank-тің әрбір клиенті аша алады – шыққан сәттен бастап екі айға жетпейтін уақыт ішінде оны 40 мыңнан астам қазақстандық ашты.
Көпвалюталық депозиттік SuperCard картасын цифрлық форматта да, пластикалық нұсқада да ашуға болады – курьер оны сізге ыңғайлы мекенжайға жеткізіп береді. Картаны ашу және оған қызмет көрсету тегін, сондай-ақ оны комиссиясыз толтыруға болады. Сонымен қатар, картаны Google Pay, Apple Pay немесе Samsung Pay жүйелеріне оңай қосуға мүмкіндік бар.
