Сатпаев, Абраев және Әмір – Қазақстан құрамасында!

Талғат Байсуфинов құрамға Freedom QJ League додасында өнер көрсеткен үш ойыншыны қосты. Олар: Дастан Сатпаев («Қайрат»), Мақсат Абраев («Астана») және Жасұлан Әмір («Ордабасы»). Бұл ретте Абраев пен Әмір үшін алдағы ойындардың бірі ұлттық құрама жейдесіндегі дебюттік матч болуы мүмкін.

Толық тізім:

Қақпашылар: Темірлан Анарбеков («Қайрат»), Александр Заруцкий («Ақтөбе»), Бекхан Шайзада («Ордабасы»).

Қорғаушылар: Нұралы Әліп («Зенит», Ресей), Александр Мрынский, Еркін Тапалов (екеуі де – «Қайрат»), Ян Вороговский, Әлібек Қасым (екеуі де – «Астана»), Сергей Малый («Ордабасы»), Арсен Әшірбек («Елімай»), Санжар Сатанов («Атырау»), Сағи Совет («Қайсар»).

Жартылай қорғаушылар: Рамазан Оразов («Елімай»), Жасұлан Әмір («Ордабасы»), Исламбек Қуат («Жеңіс»), Дінмұхамед Қараман («Астана»), Серікжан Мужиков («Жетісу»), Әбинұр Нұрымбет («Оқжетпес»).

Шабуылшылар: Дастан Сатпаев («Қайрат»), Ғалымжан Кенжебек, Максим Самородов (екеуі де – «Ахмат», Ресей), Ислам Чесноков («Хартс», Шотландия), Роман Муртазаев («Елімай»), Мағжан Тоқтыбай («Ордабасы»), Мақсат Абраев («Астана»).

6 маусымда Қазақстан құрамасы Армениямен, ал 9 маусымда Венгриямен кездеседі. Екі матч та сырт алаңда өтеді.