Changan Team of the Week: Freedom QJ League B мен әйелдер турнирінің көшбасшылары

Freedom QJ League W

Рейтинг көшбасшылары – «Қайрат» командасының жартылай қорғаушысы Жания Махаш пен шабуылшысы Милена Николенко. Екеуінің де есебінде алты рет символикалық құрамға ену бар.

Олардан сәл артта – «сары-қаралардың» қорғаушысы Милана Головкова, сондай-ақ «Ертіс» командасының жартылай қорғаушысы Сабина Айтчанова мен шабуылшысы Елизавета Медведева, және «Астана» шабуылшысы Софья Рыбак. Бұл футболшылар бес рет үздік ондыққа енген.

Үшінші орында – «Ордабасы» қақпашысы Сабина Усен, «Ақтөбе» қақпашысы Каракат Бигазиз және «Қайраттың» екі Ангелинасы – Остер мен Кленова (екеуі де шабуылшылар). Олардың әрқайсысы төрт рет Changan Team of the Week құрамына енген.

Freedom QJ League B

Бұл турнирде Changan Team of the Week құрамына ең көп енгендер – «Оңтүстік» командасының екі шабуылшысы Алихан Али мен Темірлан Ермек. Олар сегіз рет үздіктер қатарына кірген.

«Оқжетпес» жартылай қорғаушысы Тамирлан Қалымжанов жеті рет тізімге еніп, көшбасшыларға аз ғана жол берді.

Ал бес рет үздік атанғандар: «КФФ Академиясының» жартылай қорғаушысы Давид Заречный мен қорғаушысы Арғын Жұмагелді, сондай-ақ «Алтай» қорғаушысы Магомед Кусаинов.