Евгений Яровенко UNI Football League инклюзивті турнирінің қонағы болды

Бұл ерекше жарысқа аутизм, Даун синдромы, ДЦП және басқа да даму ерекшеліктері бар шамамен 90 жас футболшы қатысты. Қатысушылар Қазақстанның он қаласын – Астана, Алматы, Шымкент, Атырау, Қарағанды, Семей, Петропавл, Тараз, Ақтөбе және Өскеменді таныстырды.

Ойындар 5+1 форматында өтті, әр матч 15 минутқа созылды. Турнирге Лиганың спорттық-сараптамалық бөлімінің сарапшысы Евгений Яровенко құрметті қонақ ретінде шақырылды.

«Бұл ерекше қажеттіліктері бар балалар үшін нағыз мерекеге айналды. Әрине, қуанышты эмоциялар өте көп болды! Барлығы айналмалы жүйе бойынша ойнады, соңында әрқайсысы марапатқа ие болды – ешкім жеңілген жоқ. Барлығы тамаша өтті», – деді өз әсерімен бөліскен Евгений Викторович.

UNI Football League жобасы ерекше қажеттіліктері бар балалардың спортқа тең қолжетімділігін қамтамасыз етуге және оларды қоғамға бейімдеуге бағытталған. Жоба 2023 жылдан бері Қазақстан футбол федерациясының, Freedom Шапағат корпоративтік қорының және Bolashak Charity қоғамдық қорының қолдауымен жүзеге асып келеді. Турнирді ұйымдастыруға Астана қаласы әкімдігі мен Испания Елшілігі де атсалысты.