Freedom QJ League U16: «Жас Қыранға» 20-турда техникалық жеңіліс берілді

Комитет Freedom QJ League U16 турнирінің 20-турындағы «Каспий» мен «Жас Қыран» арасындағы 4 қазанда өткен матчтың хаттамасын қарады. Нәтижесінде бір ауыздан мынадай шешім қабылданды:

– «Жас Қыран 2010» командасының ойыншысы Димаш Балтабекке қатысты тәртіп бұзушылық анықталғандықтан, ҚФФ Тәртіптік регламентінің 51, 23 және 25-баптарының 1-тармағына сәйкес ойын нәтижесін жою. «Жас Қыран 2010» командасына 0:3 есебімен техникалық жеңіліс беру.

Тәртіптік регламенттің 111-бабына сәйкес, БТЭК шешіміне Апелляциялық комитетке шағым түсіруге болады.