Қайту

Қазақстан футболының ДНҚ-сын өзгерту: Лиганың жаңа атрибутика топтамасын таныстырамыз

Main image

Freedom QJ League мен COPA.KZ Лиганың фирмалық атрибутикасының төртінші маусымдық топтамасын ұсынады.

Freedom QJ League-тің пайда болуы Қазақстандағы жасөспірімдер біріншіліктерінің жүйесін түбегейлі өзгертті. Жарыстардың жаңа форматы, озық технологияларды қолдану және турнирлерді жан-жақты ақпараттық қамту бұрынғы буыннан айтарлықтай ерекшеленетін футболшылардың жаңа буынын қалыптастыруға бағытталған.

Белгілі бір мағынада Лига Қазақстан футболының ДНҚ-сын өзгертуді көздейді. Дәл осы идея үш бұйымнан – екі футболка мен ұзын жеңді жейдеден (лонгслив) тұратын жаңа топтаманың негізіне айналды. Олардың әрқайсысы Freedom QJ League-тің болмысын, қуатын және жас футболшылардың ойынға деген шексіз құштарлығын бейнелейді.





«Еркіндік рухын айшықтайтын ұлттық нақыш заманауи футбол мәдениетінің динамикалық сызықтарымен астасып, Қазақстан футболының жаңа генетикалық кодын қалыптастырады», – деп топтама авторы, дизайнер Әділбек Қайсен өз идеясын түсіндірді.

ДНҚ мен озық ғылыми зерттеулер тақырыбы жаңа топтаманың таныстырылым эстетикасынан да көрініс тапты.



Лиганың дизайнерлер байқауы өз жемісін беруді жалғастыруда

2025 жылы Freedom QJ League өз тарихында алғаш рет жүлде қоры бір миллион теңгені құрайтын спорт дизайнерлерінің ашық байқауын өткізді.

Қатысушыларға Лиганың фирмалық стилімен үйлесетін атрибутика тұжырымдамасын әзірлеу міндеті қойылды. Қазылар алқасы үздік он жұмысты іріктеп алды, ал жеңімпаз біздің Telegram-арнамызда өткен ашық дауыс беру арқылы анықталды.

Әділбек Қайсен байқауда екінші орын алып, 300 000 теңге иеленді. Ал жеңімпаз атанып, 500 000 теңге жүлдеге қол жеткізген Жүрсін Әуезхан кейіннен Лига мерчінің үшінші топтамасын әзірлеуге қатысты.

Осылайша, екінші маусым қатарынан Лиганың атрибутика топтамасы дизайнерлер байқауы жүлдегерлерінің бірімен бірлесіп жасалып отыр. Мұндай бастамалардың басты мақсаты да осы – талантты қазақстандық мамандарды көпшілікке танытып, олардың өз қабілеттерін көрсетуіне мүмкіндік беру.

Байқау кәсіби ортада да жоғары бағаланды. Спорт маркетингі мен коммуникациялар саласындағы халықаралық MVP Awards сыйлығында Лиганың жобасы өз номинациясында бірінші орын иеленді.

Өткен жылдардағы сүйікті топтамалар қайтадан сатылымға шығады!

QJ DNA топтамасының жарыққа шығуымен қатар Лиганың алдыңғы екі топтамасындағы бұйымдар қайта шығарылмақ. Көпшіліктің көңілінен шығып, ерекше танымалдыққа ие болған мерчті қайтадан сатып алуға мүмкіндік туады.

2024 жылғы топтама – сербиялық «Црвена Звезда» клубының тәрбиеленушілеріне қарсы өткен Жұлдыздар матчына орай ALIBEKOV брендімен бірлесіп жасалған жұмыс.

Футболкаларда Лигаға қатысатын әр өңірдің контурлары мен үй стадиондарының географиялық координаттары бейнеленген. Бұл стадиондар – футболшылар, бапкерлер, клуб қызметкерлері мен жанкүйерлер үшін нағыз «екінші үй». Топтама екі маңызды идеяны біріктіреді: туған қалаға деген сүйіспеншілік пен әр өңірдің ортақ іске қатыстылығын сезіну.

2025 жылғы топтама – мадридтік «Атлетикоға» қарсы өткен QJL All Star матчына орай Жүрсін Әуезханның идеясы негізінде жасалған топтама. Оның басты лейтмотиві – «Shyndal da shyndy al» («Шыңдал да, шыңды ал») ұраны.

Қайдан сатып алуға болады?

Freedom QJ League-тің фирмалық атрибутикасы осы сенбі, 21 қарашада сатылымға шығады. Мерчті COPA.KZ желісінің Астанадағы дүкенінен, сондай-ақ интернет-дүкенінен сатып алуға болады.