Евгений Яровенко Sport Consulting Forum құрылтай конференциясына қатысады

Sport Consulting Forum – жоғары жетістіктер спортында ғылыми тәсілді дамытуға бағытталған жаңа тәуелсіз платформа. Оның негізгі мақсаты – таланттарды анықтаудан бастап Олимпиада ойындарына дайындықты сүйемелдеуге дейінгі процестерді жүйелі түрде дамыту.

Конференция 29 сәуір күні Алматыдағы Қазақ спорт және туризм академиясының базасында өтеді. Іс-шара бірнеше буынға жататын танымал спортшылардың басын қосатын алаң болмақ.

Евгений Яровенкодан бөлек, конференцияға олимпиада чемпиондары қатысады: Нелли Ким (спорттық гимнастика, Монреаль-1976 және Мәскеу-1980), Владимир Смирнов (шаңғы жарысы, Лиллехаммер-1994), Юрий Мельниченко (грек-рим күресі, Атланта-1996), Ермахан Ибраимов (бокс, Сидней-2000), Ольга Шишигина (жеңіл атлетика, Сидней-2000) және Дмитрий Баландин (жүзу, Рио-2016).

Сондай-ақ конференцияға Олимпиада ойындарының күміс жүлдегерлері Ислам Байрамуков (еркін күрес, Сидней-2000) және Демеу Жадраев (грек-рим күресі, Париж-2024), сондай-ақ ауыр атлетикадан төрт дүркін әлем чемпионы Илья Ильин қатысады.

Таныстырылым барысында құттықтау сөз сөйлейтіндер: туризм және спорт министрі Ербол Мырзабосынов және ғылым және жоғары білім министрі Саясат Нұрбек.