ССБ сарапшылары Қостанайға жұмыс сапарымен келді

Бұл жолы ССБ өкілдері Қостанайға келді. «Тобыл» футбол орталығында өтетін бір апталық бағдарлама аясында орталық басшылығы мен жаттықтырушылар құрамымен жұмыс кездесулері жоспарланған. Сонымен қатар ойыншылардың фитнес-көрсеткіштері өлшеніп, жаттығу процесіне мониторинг жүргізіледі және Лиганың 3-туры аясындағы матчтар бақыланады. Бұл ойындарда Қостанайдың U-16 және U-15 командалары «Каспий» клубының құрдастарымен кездеседі.

Талқылаудың негізгі тақырыптары қатарында инфрақұрылым мәселелері, кадрларды даярлау, әдістемені әзірлеу, жаттығу және жарыс процесін талдау мен есептілік, сондай-ақ Лига мен футбол орталығы арасындағы бірлескен жобалар болады.

Еске сала кетейік, биылғы маусымнан бастап ойыншылардың жеке фитнес-мәліметтерін жинау мен талдау ССБ жұмысының басым бағыттарының бірі болмақ.

Бөлім мамандары OVR Performance жабдығының көмегімен ойыншылардың жеке физикалық көрсеткіштерін өлшеуде. Жүгіру, плиометрия және техникалық тесттер жыл бойы бірнеше рет өткізіледі.

Деректер басқа да құралдар арқылы жиналады — соның ішінде «ақылды» камералар мен GPS-трекерлер. Жиналған ақпарат негізінде әр позиция үшін модельдік сипаттамалар қалыптастырылып, жаттықтырушыларға нақты ұсыныстар әзірлеу жоспарлануда.