Freedom QJ League U-17, U-16, U-15: 2-турдың басты оқиғалары

Екі астана дербиі: «Қайраттың» үстемдігі

«Қайрат» «Астананы» тек флагмандық турнирде ғана емес (4:0), сонымен қатар үш жас санатында да айқын басымдықпен жеңді. Елордада өткен U-17 кездесуі 5:0 есебімен аяқталды. Ал Алматыда өткен U-15 және U-16 матчтарында есеп тиісінше 7:0 және 5:0 болды.

Осылайша төрт матчтың жалпы есебі – 21:0. Өткен уикендте «Астана» сапынан соғылған жалғыз гол – U-15 командасының қорғаушысы Райымбек Әділбековтің автоголы.

Бір матчта үш пенальти

U-17 турнирінде «Ертіс» пен «Шахтер» арасындағы ойын пенальтилерге бай болды.

Алғашқы 11 метрлік 20-минутта белгіленіп, оны «Шахтердің» жартылай қорғаушысы Али Садырбаев дәл орындады. Төрт минуттан кейін ол тағы бір мүмкіндік алды, бірақ бұл жолы «Ертіс» қақпашысы Родион Кайсаринов сейв жасады. Соған қарамастан, бірінші таймның соңына дейін «Шахтер» тағы екі голды ойыннан соқты.

53-минутта «Ертіс» капитаны Саин Кажмұхан бір голды қайтарды. Ал қосымша уақытта үшінші пенальти тағайындалды – бұл жолы павлодарлықтардың пайдасына. Арслан Куандыков Батырхан Әділхановтың соққысын қайтарды. Қорытынды есеп – 3:1, «Шахтердің» пайдасына.

Надрышиннің хет-тригі

«Ақтөбе» U-15 санатында сенімді ойынын жалғастыруда.

«Ордабасыны» өз алаңында 4:0 есебімен жеңгеннен кейін, команда Ақтауға барып, «Каспийді» 5:0 есебімен ойсырата ұтты. Екі турдан кейін Ермек Темірзақов шәкірттері әлі бірде-бір гол жібермеген жалғыз команда болып отыр.

Бұл ойында 13 жастағы шабуылшы Милан Надрышин ерекше көзге түсіп, хет-трик авторы атанды. Екі матчтан кейін оның еншісінде 4 гол бар (қақпаға 5 соққы).

2-турдан кейінгі үздік бомбардирлер:
Freedom QJ League U-17: Тамерлан Сарсымбаев («Қайрат») – 5 гол
Freedom QJ League U-16: Балахмет Әділбек («Тобыл») – 5 гол
Freedom QJ League U-15: Милан Надрышин («Ақтөбе») – 4 гол

2-турдан кейінгі үздік ассистенттер:
Freedom QJ League U-17: Темірлан Абжапар («Қайрат») – 2 ассист
Freedom QJ League U-16: Дамир Алибаев («Тобыл») – 3 ассист
Freedom QJ League U-15: Санжар Байдәулетов («Ақтөбе») – 4 ассист