ФИФА президенті QJ League құрылуын қолдады

Халықаралық футбол федерациялары қауымдастығының (ФИФА) президенті Джанни Инфантино жұмыс сапарымен Қазақстан астанасына ұшып келді.

Ресми сапар барысында ФИФА басшысының ҚР Президенті Қасым-Жомарт Тоқаевпен кездесуі жоспарланған. Сондай-ақ Инфантино жақында құрылған Жасөспірімдер футбол лигасы – Freedom QJ League жобасымен танысты. Сонымен қатар, ФИФА және ҚФФ президенттері елімізде футболды дамыту бойынша бірлескен жобаларды іске асыру бойынша бірқатар мәселелерді талқылайды.

Айта кетейік, бұл Инфантиноның ФИФА басшысы ретіндегі Қазақстанға алғашқы сапары.