Freedom QJ League – Metaratings Top Awards 2025 премиясының шорт-листінде!

Ашық дауыс беру нәтижесінде Freedom QJ League бірден екі номинацияның шорт-листіне енді: «Үздік спорттық ұйым» және «Үздік спорттық маркетинг».

Сонымен қатар, Лиганың Қамқоршылық кеңесінің төрағасы Тимур Турлов «Үздік спорт менеджері» номинациясында үздік бестікке кірді.

Жеңімпаздарды атақты спортшылар, жаттықтырушылар, функционерлер, журналистер және спорттық маркетинг саласының мамандарынан құралған қазылар алқасы анықтайды.

Салтанатты марапаттау рәсімі 3 сәуір күні Алматыда өтеді.

Еске сала кетейік, Metaratings Top Awards 2024 премиясының нәтижесі бойынша Freedom QJ League «Жылдың үздік спорттық ұйымы» деп танылды, ал Тимур Турлов спорттың дамуына қосқан үлесі үшін арнайы марапатқа ие болды.

Сондай-ақ, өткен жылы Лиганың бапкерлік платформасы – FF Manager – Еуропадағы ең ірі digital премиялардың бірі Tagline Awards жүлдегері атанды.