Freedom QJ League халықаралық Meta Sport Forum конференциясына қатысты

Пікірталас спортқа көрермен тарту және олардың қызығушылығын сақтау тақырыбына арналды. QJ League өкілінен бөлек, спикерлер қатарында «Барселонаның» бұрынғы маркетинг директоры Гиллем Граэль, «Зениттің» энтертейнмент-менеджері Эдуард Розеватов, медиаменеджер Мәди Манатбек, Қазақстанның ұлттық спорт түрлері қауымдастығының вице-президенті Тастанбек Есентаев және ҚХЛ-ның медиаөнімдер жөніндегі директоры Арташес Саркисян болды.

Антон Лысяк Лиганың медиа-маркетинг бөлімі екі жыл ішінде қол жеткізген жетістіктер туралы айтып, қызықты кейстермен бөлісті және форум қатысушыларының сұрақтарына жауап берді.

Еске сала кетейік, Алматыда өткен іс-шараның шарықтау шегі Metaratings Top Awards марапаттау рәсімі болды. Осы салтанатты кеште Freedom QJ League өзі ұсынылған екі номинацияда да жеңіске жетті: «Ең үздік спорттық ұйым» және «Ең үздік спорттық маркетинг».

Сонымен қатар, Freedom QJ League Қамқоршылық кеңесінің төрағасы Тимур Турлов жылдың ең үздік спорт менеджері деп танылды.

Марапаттау рәсімінің арнайы қонағы Бразилия құрамасы сапында екі дүркін әлем чемпионы атанған Кафу болды.