Freedom QJ League W: Жылдың үздік құрамасы

Қақпашы

Сабина Үсен («Ордабасы»)

Шымкент клубының голкиперы маусымдағы барлық 14 турға қатысты. 75 сэйв жасап, 22 гол жіберді. Сабинаның еншісінде – бес «құрғақ» матч. «Ордабасының» қыздар командасы чемпионатты төртінші орынмен аяқтағанын еске саламыз.

Қорғаушылар

Милана Головкова («Қайрат»)

Маусымда 9 матч өткізіп, 2 гол соқты. 180 жекпе-жектің 109-ын (61%) жеңіп, 104 рет доп тартып алып/іріктеп алды, 44 рет допты қиып әкетті. 297 пастың 231-і дәл болды (78%).

Сабина Айтчанова («Ертіс»)

Қазан айында небәрі 14 жасқа толған Айтчанова маусымдағы барлық 14 матчқа қатысып, 1 гол және 1 ассист жасады. 196 жекпе-жектің 122-сін (62%) жеңді, 73 допты қиып алды, 176 рет іріктеу/тартулар жасады. 374 пастың 223-і (60%) дәл жетті.

София Яшкова («Қайрат»)

14 матчта 1 нәтижелі пас берді. 51 рет допты қиып әкетті, 159 іріктеу/тарту, 154 жекпе-жектің 101-ін (66%) жеңді. Чемпион болған «Қайратқа» 496 пастың 362-сін (73%) дәл беру арқылы үлкен үлес қосты.

Анара Қабдықапарова («Тобол»)

13 матч, 1 гол, 1 ассист. 223 жекпе-жектің 115-ін (52%) жеңіп, 300 пастың 161-ін (54%) дәл шығарды. Сондай-ақ 142 іріктеу/таарту және 78 рет допты қиып әкетті.

Жартылай қорғаушылар

Жания Махаш («Қайрат»)

13 матчта 11 гол және 23 ассист. Қақпаға 49 соққы жасаса, оның 25-і тура бағытталды. Пастарының дәлдігі жоғары – 648 пастың 454-і (70%) командаластарына жетті.

Елизавета Медведева («Ертіс»)

13 матчта 15 гол, 6 ассист. 62 допты қиып әкету, 141 іріктеу/тарту жасады. 403 пастың 237-сі (59%) дәл болды. 592 жекпе-жектің 282-іне жеңіске жетті.

Асыл Пазыл («Астана»)

Махаш секілді маусымды аса нәтижелі өткізді: 14 турда 19 гол және 13 ассист. 74 соққының 43-і қақпаға дәл тиді. 370 пастың 235-і (64%) дәл болды.

Шабуылшылар

Софья Рыбак («Астана»)

13 матчта 19 гол, 8 ассист. 56 соққының 32-сі – тура. 268 пастың 159-ы (59%) дәл, 248 жекпе-жектің 123-ін (50%) жеңді.

Милена Николенко («Қайрат»)

10 матчта – 24 гол және 7 ассист. Маусымның ең үздік бомбардирі. 50 соққының 37-сі қақпаға дәл бағытталды. 186 пастың 123-і дәл болды. Ең естен кетпес ойын – 8-турдағы «Жетісуға» қарсы матч: 6 гол, 1 ассист.

Ангелина Остер («Қайрат»)

10 матчта 17 гол және 7 ассист. 46 соққының 31-і – тура. 184 пастың 111-і (60%) дәл, 169 жекпе-жектің 91-ін (54%) жеңіп, командасының үстемдігіне үлес қосты.