Шымкенттегі Лига жаттықтырушыларына арналған семинар қалай өтті: үш күннің нәтижесі

Еске салайық, олардың екіншісі 7–9 сәуір аралығында Шымкент қаласында өтті – оған «Тараз», «Оңтүстік», «Ордабасы», «Қайсар», «Атырау», «Каспий» және «Ақтөбе» футбол орталықтарының мамандары қатысты.

Астанадағыдай, семинардың алғашқы күні жаттықтырушыларға өткен маусымның қорытындысы бойынша дайындалған талдамалық есеп ұсынылды. Есеп әр команданың өз қақпасынан шабуылды құру және дамыту тиімділігіне арналды. Спикер ретінде Лига сарапшысы Дмитрий Васильев сөз сөйледі.

Одан кейін жаттықтырушылар өз командаларына қатысты ойын сәттерінің видеожазбаларын алды. Топ болып жұмыс істей отырып, олар ойыншылардың жекелей және топтық әрекеттерін сипаттап, олардың артықшылықтары мен әлсіз тұстарын бағалауы қажет болды. Осы талдауға сүйене отырып, жаттықтырушылар жаттығу сабағының жоспар-конспектісін әзірлеуге тиіс болды.

Кейінірек Арсен Іңкәрбеков мамандарды жаттығу сабағын жоспарлау барысында FF Manager цифрлық платформасының қосымша мүмкіндіктерімен таныстырды.

Семинардың екінші күнінде жаттықтырушылар берілген тақырыптар бойынша жаттығу сабақтарын өткізді. Әр жаттығудан кейін олар қысқаша талдау ұсынып, семинардың басқа қатысушыларының сұрақтарына жауап берді.

Соңында, үшінші күні әрбір топ жаттығу сабағына жасалған жан-жақты талдауды ұсынды. Онда қолданылған әдістер мен құралдардың тиімділігі, коучинг стилі мен жаттығу барысындағы дер кезінде енгізілген түзетулер бағалануы қажет болды.

Сарапшы-талдаушы Евгений Яровенко өткізілген жаттығуларға қорытынды жасап, жаттықтырушыларға нақты ұсынымдар берді. Ол жаттығу құрылымында егжей-тегжейлілікке мән берудің, ойыншыларға шешім қабылдауға мүмкіндік беретін жағдайларды жасаудың, сондай-ақ техникалық және тактикалық дағдылардың сапалы қолданылуын түсіндіру үшін «тоқта кадрларын» пайдаланудың маңыздылығын атап өтті.

Семинардың соңында сарапшы-талдаушы Игорь Шпанера команданың саналы таңдауы ретінде тік ойын стратегиясын анықтау мысалын ұсынды. Одан кейін интерактивті форматта бір команданың ойынынан алынған бейнеүзінді талданып, ойыншылардың әрекеттеріне жан-жақты талдау жүргізілді.

Семинарлар сериясының қорытындысы 10–12 сәуір аралығында Алматы қаласында өтуде. Оған «Қайрат», «Жас Қыран», «Хан-Тәңірі», «Жетісу», «Ұлытау», «Елімай», «Алтай» жүйелерінің жаттықтырушылары, сондай-ақ Қазақстанның 16 жасқа дейінгі жасөспірімдер құрамасының бапкерлері қатысуда.