Mastercard – Freedom QJ League 2025 жылғы маусымындағы серіктесі!

Лига мен әлемдегі ең ірі трансұлттық қаржы корпорацияларының бірі өткен маусым қарсаңында серіктестікті бастап еді.

Осы уақыт ішінде тек ойын-сауық қана емес, әлеуметтік бағыттағы бірқатар ортақ шаралар ұйымдастырылды – мысалы, Павлодарда қыз балаларға арналған алғашқы футбол фестивалі өтті. Бұл шара Freedom QJ League W турнирінің басталуына пролог іспеттес болды. Енді тараптар серіктестік келісімді ұзартуға келісті.

«Футбол – көптеген қазақстандықтар үшін басты спорт түрі. Mastercard әлемнің түкпір-түкпірінде, соның ішінде УЕФА Чемпиондар лигасын қолдап келеді. Бұл жаһандық бағытты Қазақстанда дамыту – біз үшін үлкен мәртебе және біз Freedom QJ League-тің серіктесі болып, еліміздегі жастар футболының дамуына үлес қосып жатқанымызға қуаныштымыз.

Жаңа маусымда біздің назарымызда ұлдар ғана емес, қыз балалар футболы да болады. Барлық спортшылар мен жаттықтырушыларға жарқын жеңістер мен ұмытылмас эмоциялар тілейміз!», – деді Mastercard-тың Қазақстан мен Орталық Азиядағы бас директоры Санжар Жамалов.