Медиа-маркетинг чемпионаты: «Тараз» – бесінші кезеңнің көшбасшысы

ММЧ екі бағыттан тұрады: медиа және маркетинг. Қатысушылар түрлі тапсырмаларды орындағаны үшін ұпай жинайды: контент-жобалар мен матчтарды безендіруден бастап жанкүйерлермен жұмыс, аудиторияның белсенділігін талдау және оны өсіруге дейін.

Жарыс аясында маусым алты кезеңге бөлінген. Әр кезеңнің қорытындысы бойынша мамандар есеп толтырады, кейін оларды Лига қызметкерлері талдайды – әр бағыттағы үздік клубтар материалдық сыйақы алады.

Бесінші кезеңнің қорытындысы бойынша медиа бағытта «Тараз» (399) көш бастады. Екінші орынға «Шахтер» (392), ал үшінші орынға «Ордабасы» (381) жайғасты.

Маркетинг бағытында да бірінші орынды «Тараз» (350) иеленді. Сондай-ақ жүлделі үштікке «Шахтер» (240) мен «Тобыл» (235) енді.



Еске салайық, маусым қорытындысы бойынша үздік медиа-қызмет пен маркетинг бөлімі жыл сайынғы QJL Awards салтанатында арнайы марапаттарға ие болады.