Милена Николенко – Freedom QJ League W турнирінің үздік шабуылшысы!

13 жастағы Милена маусымда небәрі 10 матчқа қатысса да, 24 гол соғып, 7 нәтижелі пас беріп, бомбардирлік жарыста бірінші болды. Ол қарсыластар қақпасына 50 соққы жасады, оның 37-сі дәл бағытталды. 186 пастың 123-і дәл шықты. Маусымдағы ең нәтижелі ойыны – VIII турдағы «Жетісуға» қарсы матч: Милена сол ойында 6 гол соғып, бір ассист жасады.

Лиганың барлық турнирлерінде «ең пайдалв ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» атанған спортшыларға серіктес Freedom Bank тарапынан 200 000 теңгеден сыйақы беріледі.

«Эмоциям шексіз. Шынымды айтсам, әлі күнге дейін сене алмаймын. Менің еңбегім мен команданың жұмысы бағаланғаны — үлкен қуаныш. Бұл тек менің емес, бүкіл қыздардың, бапкерлердің, қолдау көрсеткен жандардың марапаты. Үлкен алғыс сезімім бар және әрі қарай өсуге үлкен мотивация алдым.

Маусым күрделі өтті — құбылмалы ойындар болды, бірақ дәл сол сәттер бізді өсірді. Кей матчтарда әр доп үшін жан аямай күресуге тура келді. Ең жарқын сәт — жеңіліп жатқан ойынды соңына дейін күресіп, жеңіске жеткен матч.

Әрқайсысы бір-біріне сенген команданың киім ауыстыратын бөлмедегі энергетикасы — ұмытылмас сезім. Келесі маусымдағы мақсатым — тұрақтылықты арттыру. Мүмкіндік туған сәттерді барынша тиімді пайдаланып, командаға одан да көп пайда тигізу.

Сыйақыны өзіме және жанұяма жұмсағым келеді. Әрқашан қасымда болып, қиын сәттерде демеген туғандарымды қуантып қойсам деймін. Ал өзіме кішкене демалыс жасап, қайта күш жинағым келеді.

Келер жылы Лигада дебют жасайтын жас қыздарға айтарым: қобалжымаңдар, өз-өздеріңе сеніңдер, бапкерлерді тыңдаңдар, команданың сөзін тыңдаңдар. Ең бастысы — ойыннан ләззат алу. Ойыннан рахат алсаңдар, нәтиже өзі келеді», – деді Милена.