Еш матч нәтижелі әрекетсіз өтпеді: Алихан Әлидің әсерлі тұрақтылығы

17 жастағы шабуылшы бірде-бір турды жіберген жоқ – 16 ойында 20 гол соғып, 7 нәтижелі пас берді. Ең қызығы, Алихан әр кездесуде нәтижелі әрекет жасап, бірде-бір рет алаңнан гол немесе ассистсіз кетпеген.

Биыл Әлидің бір ғана салыстырмалы түрде сәтсіз матчы болды – Астанада өткен «Жеңіске» қарсы ойында. Ол Темірлан Ермекке нәтижелі пас бергенімен, өзі гол соға алмады. Дегенмен, командасы 3:0 есебімен жеңіске жетті.

Айта кетейік, Алихан өткен жылы да «Оңтүстіктің» көшбасшысы атанды – Freedom QJ League U17 B турнирінде 10 гол соғып, 3 ассист жасады. Оның ойыны командаға чемпион болуға үлкен үлес қосты. Осы көрсеткіштерінің арқасында Алихан турнирдің ең пайдалы ойыншысы болып танылды.

Қазір Али осы маусымдағы барлық жасөспірімдер арасындағы турнирлерде үздік сұрмерген. Жалпы есепте одан жоғары тек Милена Николенко тұр. Онымен теңесуі үшін Алиханға қалған екі турда 4 гол соғу қажет.

Шымкенттік команданың жетінші нөмірі алдағы ойындарда көрсеткішін жақсарта ала ма? Жақын күндері білетін боламыз.