Мирас Қуаттың серпілісі және Төлеуханға қуар жол: Fantasy QJ League 18-турдан кейінгі үздіктері

Бірінші орын әлі де «Қайрат» ойыншысы Абылай Төлеуханға тиесілі – 144 ұпай. Алайда ол үш матчқа қатыса алмады – «сары-қаралардың» жасөспірімдер құрамында УЕФА Жастар лигасына аттанды.

Осыны сәтті пайдаланып келе жатқан – «Шахтер» жартылай қорғаушысы Глеб Макридов. Оның қоржынында қазірдің өзінде 138 ұпай бар. Еске сала кетсек, оған Лига тарихындағы ең үздік көрсеткіш иесі болу үшін бар-жоғы төрт нәтижелі әрекет жасау жеткілікті. Қазіргі рекорд Дастан Сәтпаевқа тиесілі – ол «гол+пас» жүйесі бойынша 36 ұпай жинаған.

Келесі қатарда – Даулет Орынбасар («Қайрат», 115 ұпай), Нұрхан Қағазбаев («Шахтер», 111 ұпай) және Жанәлі Есенәлиев («Ордабасы», 109 ұпай).

Ал әзірге үш таңбалы межені ең соңғы болып бағындырған ойыншы – «Шахтердің» жартылай қорғаушысы Мираc Қуат. Оның еншісінде тура 100 ұпай бар. Қыркүйектің екі турында да ол 9-дан ұпай жинады – нәтижелі әрекеттерінің арқасында, сонымен қатар допқа талас пен тартып алудағы белсенділігінің нәтижесінде.

Құнды жүлделер үшін күрес қыза түсті. Еске сала кетейік, әр ойын уик-эндінің қорытындысы бойынша ең үздік құрам жасаған қолданушылар COPA.KZ компаниясынан 20 000 теңгелік сертификатқа ие болады.

Маусым жеңімпазы iPhone 15 ұтып алады, ал екінші орын иесіне – PlayStation 5 Digital Edition, үшінші орын иесіне – Xbox Series X бұйырады.

Fantasy QJ League-ға мына сілтеме арқылы қосылыңыз!