Улугбек Ирисметов: «Freedom QJ League бізге УЕФА Жасөспірімдер лигасында көп көмектесіп жатыр»

Бас бапкер Улугбек Ирисметов «На связи САБ» Telegram-арнасының сұрақтарына жауап берді.

– Қарсыласты қалай бағалайсыз? Көрермендерді қандай ойын күтіп тұр?

– Қарсылас тәжірибелі, олар үш жылдан бері Жасөспірімдер лигасында ойнап жүр, бірінші және екінші кезеңдерден өтіп жүр. Әрине, команда жыл сайын жаңарады, кіші жастағы балалар келеді. Ойыншылары бойшаңдау, күштік футболды жақсы көреді, әр алаң бөлігінде күрес болады, физикалық тұрғыда дайын. Бірақ біз үйде ойнаймыз, оңтүстіктеміз, жігіттеріміз ыстыққанды: қолайсыздық тудырамыз, әр алаң бөлігінде күресеміз.

Біздің оңтүстік футболымыз техниктік тұрғыдан мықтырақ, тактикалық жағынан тік ойынды көбірек ойнаймыз. Жігіттеріміз жекелей дайын, доппен жақсы жұмыс істейді. Ауа райы жылы, көбірек табиғи шөпте жаттығамыз. Бізге көмектесетіннің бәрін пайдаланамыз.

– Махмудовты құрамда көріп отырмыз. Оның Freedom QJ League All Star – «Атлетикомен» ойынындағы тәжірибесі көмектесіп жатыр ма?

– Негізінен бізде құрамның қаңқасы Екінші лигадағы 2006–2007 жылғы жігіттерден тұрады. Екінші лигада ойын тезірек жүреді, Freedom QJ League-ке қарағанда шешім қабылдау жылдамырақ, қарсылас үнемі прессинг жасайды.

Мен 2008–2009 жылғы балаларды да қарап шықтым. Махмудовқа келсек – иә, жақсы бала, жауынгер. Тактикалық тұрғыдан аздап үйренуі керек. «Атлетикомен» ойнағаны көрініп тұр, тәжірибесі бар. Бірақ жас әлі, Екінші лигадағы жігіттердің тәжірибесі жетіспейді. Дегенмен бізге көмектесуі тиіс, оны қапталда қолдануды жоспарлап отырмыз – дриблинг жасай алады, жүгіреді.

– Жасөспірімдер үшін мұндай деңгейдегі дебютте жекелей шеберлік, тактика және психологияның маңызы қандай?

– Бәрі де керек! Жекелей шеберлік маңызды, тактикалық дайындық та, психологиялық та. Осындай ойындарда олардың менталды дайындығы көрінеді: мысалы, бойшаң қарсыластан қорықпау, өзін жеңе білу. Әртүрлі тактикамен, әртүрлі схемамен, әртүрлі ойын мәнерімен бетпе-бет келеді. Дәл осындай матчтарда футболшылардың өсуі жүреді!

– Жанкүйерлерге не айтасыз?

– Әрине, келіп, команданы қолдасын. Шымкентте Чемпиондар лигасы өтеді, жасөспірімдер болса да. Жақсы ойын болады деп ойлаймын.

Freedom QJ League бізге матчты ұйымдастыруда қатты көмектесті, шоу болады. Тәжірибе бар екені, процестер жолға қойылғаны сезіледі. Көмек беріп жатқаны өте қуантады. Біз де Лига ұсынған «ақылды камераны» жаттығулардағы әрекеттерді талдау үшін қолданамыз.

Freedom QJ League «Ордабасыға» УЕФА Жасөспірімдер лигасына қатысу үшін қаржылай қолдау көрсетеді

«Ордабасы» – «Динамо»: УЕФА Жасөспірімдер лигасындағы матч билеттері сатылымда!