Оксана Коханная: «Мұндай деңгейдегі жарыстар әйелдер футболының дамуына мықты серпін береді»

– Маусым біз үшін өте сәтті өтті. Екінші айналымда «Иртыш», «Ордабасы» және «Астанаға» қарсы қиын ойындар болды, бірақ біз бәрін еңсеріп, жеңіске жете алдық.

Апталық микроцикл форматында алғаш рет ойнадық. Айта кетсем, ойыншылар жаңа жүйеге тез бейімделіп, қиындықсыз қабылдады. Сондықтан дайындық немесе жаңа форматқа көшу барысында айтарлықтай мәселе туындаған жоқ.

Біздің команданы басқалардан ерекше көрсететін нақты қасиетті айту қиын. Бірақ ең бастысы – алаңдағы кез келген жағдайға қарамастан, қыздар соңына дейін ойнайды. Олар ешқашан берілмейді және соңғы ысқырыққа дейін күреседі.

Менің ойымша, биыл бүкіл команда үлкен прогресс жасады. Біреуді ерекше бөліп айту қиын. «Қайраттан» бірден тоғыз ойыншы U17 құрамасының іріктеу матчтарына шақырылғаны–­ақ соның дәлелі. Демек, қыздар жыл сайын өсіп, жетіліп жатыр.

Әрине, Freedom QJ League деңгейіндегі жарыстардың өтуі елдегі әйелдер футболының дамуына мықты серпін береді. Келесі маусымда командалар саны көбейсе жақсы болар еді – бұл ойындарды арттырып, бәсекелестікті күшейтер еді.

Баршаға сәттілік және жаңа маусымға жақсы дайындық тілеймін. Футбол алаңдарында кездескенше!