QJ League Awards 2025: «Үздік қорғаушы», шорт-лист

Жеке марапатқа финалдық үміткерлер: Василий Леонтьев («Шахтер»), Әлихан Жексенбек («Астана») және Әкежан Қалиқұлов («Қайрат»).

Василий Леонтьев маусым бойы 20 матчқа қатысып, барлығында негізгі құрамда алаңға шыққан. Оның есебінде – 261 доп тартып және қайтарып алу, сондай-ақ 136 іліп әкету бар. Сонымен қатар, ол 52% (354-тен 184) жекпе-жекте жеңіске жетіп, 79% (756-дан 594) дәл пас орындаған. Қорғаушының еншісінде үш гол бар.

Әлихан Жексенбек 16 матчта 1064 пасының 906-ын дәл орындап (85% дәлдік), 224 доп тартып және қайтарып алу, 56 іліп әкету жасаған. Ол сондай-ақ 59% (229-дан 134) жекпе-жекте жеңіске жетіп, бір гол соғып және бір нәтижелі пас берген.

Әкежан Қалиқұлов 12 ойынға қатысып, бір гол соғып, үш ассист берген. Ол 429 пастың 325-ін дәл жеткізген (76%), 298 жекпе-жектің 172-сінде (58%) жеңіске жеткен. Сондай-ақ 125 доп тартып және қайтарып алу және 39 іліп әкету жасаған.

Жүлде иегерінің есімі 1 қараша күні өтетін QJ League Awards салтанатты рәсімінде жарияланады.

Еске сала кетейік, 2023 жылы маусымның үздік қорғаушысы атағын «Жас Қыран» командасының ойыншысы Руслан Захаров, ал келесі жылы бұл жүлде «Қайраттың» қорғаушысы Әмірбек Базарбаевқа бұйырған еді.