.webp)
Лига әр маусымның қорытындысы бойынша табыстайтын жеке марапаттармен таныстыруды жалғастырамыз.
Еске салайық, әр жүлде Қазақстан футболының белгілі тұлғаларының құрметіне аталған. Маусымның үздік жартылай қорғаушысына берілетін жүлде Антон Шохтың есімімен аталады.
Антон Шох – Жамбыл футбол мектебінің түлегі. Антон Рохусович 17 жасында «Химик» сапында дебют жасап, алғашқы маусымында-ақ 10 гол соқты. Сондай-ақ жеті жыл бойы Алматының «Қайратында» (1979—1985) өнер көрсетіп, 21 голдың авторы атанды. 1986 жылы сол кездегі КСРО-ның жетекші клубтарының бірі – Днепропетровскінің «Днепріне» ауысты.
«Днепр» құрамында Антон Шох КСРО чемпионы және ел Кубогының иегері атанып, турнир финалында шешуші голды соқты. Команда Чемпиондар кубогында (Чемпиондар лигасының ізашары) да сәтті өнер көрсетіп, ширек финалға дейін жетті және Лиссабонның «Бенфикасына» жол берді.
Сонымен қатар Антон Шох «Днепр» сапында КСРО чемпионатының күміс жүлдесін тағы екі рет иеленіп, Суперкубоктың жеңімпазы атанды. КСРО олимпиадалық құрамасына шақырылып, негізгі ұлттық құраманың кандидаттары қатарында болды. Эдуард Сон және Александр Хапсалиспен бірге КСРО чемпионы атанған Қазақстан футболының үш өкілінің бірі.
Антон Шох атындағы жүлденің иегерлері:
2023 жыл – Олжас Байбек («Қайрат»);
2024 жыл – Роман Асылбаев («Шахтер»);
2025 жыл – Даниял Назаров («Астана»).
