ССБ сарапшылары бапкерлерге арналған екінші семинарды өткізді – бұл жолы Астанада

Екі семинардың да бағдарламасында басты назар заманауи цифрлық құралдарды қолдануға аударылды. Олардың қатарында Freedom Telecom және BigBro компанияларымен бірлескен жоба аясында стадиондарға орнатылған FF Manager платформасы мен Pixellot «ақылды» камералары бар. Сондай-ақ сарапшылар «Болашақ ойыншысы» бағдарламасына ерекше тоқталып өтті.

Екінші күні семинарға қатысушылар футбол алаңында тәжірибелік сабақтар өткізді.

Шымкенттегідей, бапкерлерге FF Manager айдентикасын жасау аясында Brele дизайн бюросы әзірлеген шектеулі топтамадағы футболкалар естелікке табыс етілді.

«Шымкент пен Астанада өткен семинарларда ойыншылардың жеке дамуына қатысты тақырыптар қозғалды – биыл біз бұл бағытқа үлкен көңіл бөліп отырмыз.

Атмосфера өте тамаша болды. Бапкерлер талқылауларға белсенді қатысып, өз тәжірибелері мен білімдерін бөлісті.

Хаттағым келеді, Freedom QJ League тек жарыстарды ұйымдастырумен ғана шектелмейді. Тимур Турлов пен Рохус Шох бастаған басшылығымыз бапкерлерді дамытуға әрдайым үлкен көңіл бөледі – өйткені футболшылардың әлеуетін ашып, Лигамызды тартымды ететін де дәл осы мамандар», – деп атап өтті ССБ басшысы Бауыржан Сағындық.

«Осы екі күн ішінде өте көп пайдалы ақпарат алдық. Мұндай семинарларға, әріптестерімізбен жүздесіп, пікір алмасу мүмкіндігіне ие болғанымызға өте қуаныштымыз. ССБ-не, Тимур Русланович пен Рохус Рохусовичке алғыс білдіргім келеді. Мұндай жағдайда білім алу өте жағымды, Лига барлық жағынан өте кәсіби деңгейде ұйымдастырылған», – деп алған әсерімен бөлісті «Ақтөбе» U-17 командасының бас бапкері Ринат Жиембеков.