SCAT Airlines – 2026 маусымындағы Freedom QJ League серіктесі!

Лиганың алғашқы үш маусымында командалар 1 500-ден астам сапар жасады, оның 980-і әуе қатынасына тиесілі болды. Сонымен қатар, турнирлер мен матчтар саны жыл сайын артып келеді. SCAT Airlines-пен ынтымақтастық қарқынды футбол маусымы барысында логистикалық міндеттерді шешуді едәуір жеңілдетуге мүмкіндік береді.

«SCAT Airlines үшін бұл серіктестік – Қазақстандағы балалар мен жасөспірімдер футболын дамытуға өз үлесін қосу мүмкіндігі. Біз маусым барысында командалар үшін уақтылы, ыңғайлы және мұқият жоспарланған әуе сапарларының қаншалықты маңызды екенін түсінеміз және Freedom QJ League үшін сенімді логистикалық серіктес атанғанымызға қуаныштымыз.

Бұл ынтымақтастық клубтар үшін жарыстарға қатысуды одан әрі жайлы етіп, елдегі футбол экожүйесінің әрі қарай дамуына ықпал етеді деп сенеміз», – деп атап өтті SCAT Airlines президенті Владимир Денисов.