Қазақстан футбол федерациясының бас хатшысы Скотт Манн Freedom QJ League кеңсесінде болды.
Ол Лиганың күнделікті жұмыс барысымен мұқият танысып, Freedom QJ League президенті Рохус Шохпен жұмыс кездесуін өткізді.
Тараптар Қазақстандағы жасөспірімдер жарыстарын өткізудің түрлі қырларын қозғай отырып, ынтымақтастықтың алғашқы төрт жылында қол жеткізілген нәтижелерді талқылады.
Осы жазда Скотт Манн QJL All Star құрамасы мен менхенгладбахтық «Боруссия» арасындағы матчқа қатысып, ашылу салтанатында құттықтау сөз сөйлеген болатын. Ал тамыз айында Freedom QJ League өкілдері Футбол үйінің кеңсесінде ҚФФ бас хатшысымен кездескен еді.
Бұл сапар Лига мен ҚФФ арасындағы сенімге, өзара түсіністік пен ортақ құндылықтарға негізделген жемісті әріптестіктің тағы бір дәлелі болды.
«Freedom QJ League – керемет жоба. Ол жас ойыншыларды дамытып, оларға алдымен ішкі лигада, кейін, үміттенеміз, халықаралық аренада ерлер және әйелдер арасындағы элиталық футболға жол ашуды жалғастырып келеді. Бұл әркім мақтануға тұрарлық дүние, ал жас ойыншылар осы жобаның бір бөлшегі болуға ұмтылуы тиіс.
Біз Лига жобасы аясында бірлесе жұмыс істеуді жалғастырамыз, бағдарламаны жетілдіріп, оны әлемдік футболдың талаптары мен күнтізбесіне толықтай сәйкестендіре түсеміз», – деп атап өтті кездесу қорытындысында Скотт Манн.
Еске сала кетейік, биыл Freedom QJ League турнирлері Қазақстанның 18 өңірінен қатысқан 66 команда құрамындағы 1 980 ойыншыны қамтыды. Бес чемпионаттағы матчтардың жалпы саны – 674.
(0)(0)(0)(0)(0)(0).webp)
