Спорттық-аналитикалық бөлімі сарапшыларының Таразға сапары

Спорттық-аналитикалық бөлімінің сарапшы-аналитиктері – Евгений Яровенко мен Игорь Шпанера – Таразға сапар жасады. Мамандар жасөспірімдер командаларының жаттығуларын бақылап, футбол алаңында тікелей жаттықтырушылармен сұхбаттасты.

Сонымен қатар, Евгений Викторович пен Игорь Михайлович «Тараз» футбол орталығының басшысы мен үйлестірушісімен, сондай-ақ клуб президенті Әлімбек Жұмабаевпен және Жамбыл облысының дене шынықтыру және спорт басқармасының басшылығымен жұмыс кездесулерін өткізді. Тараптар лицензиялау талаптарын және лиганың биыл іске қосуды жоспарлап отырған жаңа жобаларын талқылады.

Еске сала кетейік, өткен маусымның қорытындысы бойынша Freedom QJ League турнирінде «Тараз» U-18 командасы қола жүлдегер атанды, ал U-17 командасы турнирлік кестеде сегізінші орынға ие болды.