Кім чемпион атанады? Freedom QJ League B XV турындағы жарқын сәттер

«Оңтүстік» сүрінбейді

Петропавлда өткен «Қызылжар» – «Оңтүстік» кездесуінде қонақтар минималды есеппен жеңіске жетті. 18-минутта Мади Мэлс пенальтиден мүлт кетпей, солтүстік команданы алға шығарды. Алайда бірінші таймда-ақ шымкенттіктер таразы басын теңестірді – Темірлан Ермек көзге түсті.

60-минутта «Оңтүстіктің» шабуылшысы Алихан Әли нүкте қойды. Бұл – бомбардирлер жарысының көшбасшысы үшін 19-шы гол.

Шымкенттіктер маусымның аяқталуына үш тур қалғанда турнир кестесін сенімді түрде бастап тұр. Ал екінші орында келе жатқан «Оқжетпес» төрт ұпайға артта.

ҚФФ академиясы қиын жағдайда

ҚФФ академиясы қонақта «Хан-Тәңірінен» 4:2 есебімен жеңіліп қалды. Алдымен алаң иелері Абылай Мамадиярдың голымен алға шыққан еді, бірақ көп ұзамай Ануар Төленді есепті теңестірді. Арғын Жұмагелдінің добы Саян Тәшімбетовтің голынан кейін таблода қайта теңдікті орнатты.

Нәтиже 83-минутқа дейін тең болып тұрды, алайда Рауан Сәрсенбектің соққысы «Хан-Тәңіріне» тағы да басымдық сыйлады. 88-минутта Тимур Хван соңғы нүктені қойды.

Осылайша ҚФФ академиясы турнир кестесінде үшінші орынға сырғыды. «Оңтүстіктен» бес ұпайға, ал «Оқжетпестен» бір ұпайға қалып отыр.

Үш айқын көшбасшы

«Оңтүстіктен» жеңілген «Қызылжар» медальға талас жолын күрделендіріп алды. Маусым соңына дейін үш тур қалғанда, петропавлдықтар үздік үштіктен алты ұпайға артта.

Сонымен, маусымның шешуші кезеңіне басты фаворит ретінде «Оңтүстік», «Оқжетпес» және ҚФФ академиясы кіріп отыр. Бұл үш команда да алтынға үміткер – демек, ең қызығы әлі алда.