FF Manager-мен жұмыс: САБ сарапшылары «Астана» жаттықтырушыларына семинар өткізді

Кездесу Лиганың FF Manager цифрлық платформасымен жұмыс істеуге арналды.

Лиганың сарапшысы Филипп Богер мен цифрлық даму жөніндегі сарапшы Тимур Құсайынов елордалық клуб мамандарына жүйенің негізгі мүмкіндіктерін таныстырды. Атап айтқанда, жаттығу және жарыс үдерістерін күнделікті форматта жоспарлау құралдары кеңінен түсіндірілді.

Семинар барысында платформаның жаңа функцияларына ерекше назар аударылды. Олардың қатарында Freedom Telecom және BigBro сервисімен бірлесіп енгізіліп жатқан «ақылды» камералармен интеграция мүмкіндігі бар.

Сонымен қатар сарапшылар «Астана» жаттықтырушыларының сұрақтарына жауап беріп, өткен маусымда жинақталған платформаны қолданудың практикалық тәжірибесімен бөлісті.

Еске сала кетейік, FF Manager цифрлық платформасы алғаш рет 2024 жылы таныстырылған болатын. Ол жаттығуларды ыңғайлы әрі көпфункционалды конструктор арқылы жоспарлауға ғана емес, сондай-ақ қазақ, орыс және ағылшын тілдеріндегі кең әдістемелік база арқылы білімді толықтыруға мүмкіндік береді.

Бүгінде жүйе кәсіби ортада кеңінен мойындалып, Tagline Awards, MARSPO Awards және Workspace Digital Awards секілді халықаралық digital-сыйлықтар аясында бірқатар марапаттарға ие болды.