Жания Махаш – Freedom QJ League W турнирінің үздік жартылай қорғаушысы!

Жания маусымда 13 матч өткізіп, 11 гол соқты және 23 нәтижелі пас берді. Ол қарсыластар қақпасына 49 соққы бағыттап, оның 25-і дәл болды. Сонымен қатар Махаштың пас дәлдігі өте жоғары – 648 пастың 454-і (70%) дәл жетті.

Лиганың барлық турнирлерінде «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» атанған спортшыларға серіктес Freedom Bank 200 000 теңгеден сыйақы береді.

«Көңіл-күйім өте жақсы. Бұл марапатқа ие болғаныма қуаныштымын. Атқарылған жұмыс үшін басшылыққа, бапкерлерге, ойыншыларға алғыс айтқым келеді.

Маусым біз үшін тамаша өтті. Қалағанымыздай барлық мақсатты орындадық. Ең есте қалған сәт – «Шахтерге» қарсы матч, сол ойында біз чемпион атандық.

Freedom Bank сыйақылары? Оларды инвестициялауды ойлап жүрмін.

Кіші футболист қыздарға айтар кеңесім: ең бастысы – өз ойыныңды ойнау, сыртқы сынға мән бермеу және алға қарай үздіксіз қозғалу», – деді Жания сұхбатында.