Назарларыңызға QJ League Awards 2023 келесі номинацияcын ұсынамыз!
Георгий Хутиди – көптеген танымал қазақстандық футболшыларға жол ашқан Қазақстан Республикасының еңбек сіңірген жаттықтырушысы.
70-жылдары өзінің негізгі кәсіби қызметімен қатар балалар мен жасөспірімдер футбол командаларын жаттықтырды, олармен бірге үнемі Қазақ КСР чемпионатын жеңіп, былғары доп турнирінің финалдық кезеңдеріне дейін жетіп жүрді, тұрақты түрде КСРО үздік 6 командасының қатарына еңіп жүрді.
25 жыл бойы Жамбылдық ЖГМҚИ студенттік командасын жаттықтырд, олармен дене шынықтыру ұжымдары арасындағы ҚазКСР Кубогын 2 рет, ҚазКСР чемпионатын жеңіп алған. Сонымен қатар, 1982 жылы Тбилисиде өткен Бүкілодақтық студенттер ойындарында қола жүлдегер атанды.
Хутиди көптеген атақты қазақ футболшыларын дайындады, олардың ішінде ең танымалдары Антон Шох, Вахид Масудов, Дмитрий Огай, Қайрат Айманов және т.б.
Ірі өндіріс меңгерушісі болып, Таразда «Монтажник» балалар-жасөспірімдер футбол мектебін құрды, жеке қаражатына балалар жаттығатын стадион салды. Мектеп «Тараз» ФК үшін бірнеше футболшыларды дайындады, олардың ішіндегі ең танымалы Еркебұлан Сейдахмет.
5 жыл бойы ҚФФ атқарушы комитетінің мүшесі болды, Қазақстан футболын дамытудағы және жас футболшыларды тәрбиелеудегі көп жылғы еңбегі үшін Қазақстан Республикасының еңбек сіңірген жаттықтырушысы атағын алды.
Георгий Хутидидің жетістіктерінің ерекшелігі оның лайықты спорттық білімді игермей және кәсіби футбол клубтарында жұмыс істемей, құрметті атаққа ие болған жалғыз жаттықтырушы. Оның мансабында жаттықтырушылық негізгі қызметі болған жоқ, бірақ сонымен бірге оның жұмысы көптеген танымал қазақстандық футболшыларға үлкен футболға жол ашты.
