Қазақстан U16 құрамасы Freedom QJ League B чемпионатына қатысады

Бұл жоба ФИФА мен Қазақстан футбол федерациясы (ҚФФ) арасындағы әріптестік аясында жүзеге асырылуда және елдегі жасөспірімдер футболын дамытуға бағытталған. 2023 жылы ҚФФ таланттарды дамыту жөніндегі стратегиялық мақсат шеңберінде ФИФА-мен келіссөздер жүргізіп, жас ойыншыларды дайындау жөніндегі өз көзқарасын таныстырған болатын.

Келіссөздердің нәтижесінде ФИФА-ның High Performance департаментімен, оны әйгілі бапкер Арсен Венгер басқаратын бөліммен әріптестік орнатылып, Қазақстан жасөспірімдер құрамасының Ұлттық футбол академиясы құрылды.

U16 құрамасы өз алаңындағы матчтарын Талғарда орналасқан Ұлттық құрамалардың оқу-жаттығу базасында өткізеді. Осылайша, команда QJ League-ға қатысу үшін Алматы облысының аймақтық квотасын алады.

Қазақстан U16 құрамасына Freedom QJ League B жаңа маусымында сәттілік тілейміз!