Freedom QJ League 2025 үздік жартылай қорғаушысы: лонг-листке кімдер енді

Еске салайық, әрбір марапат Қазақстанның танымал футбол тұлғаларының құрметіне аталған. Маусымның үздік жартылай қорғаушысына арналған сыйлық Антон Шохтың есімімен аталады.

Антон Шох – Жамбыл футбол мектебінің түлегі. 17 жасында Антон Рохусович «Химик» сапында дебют жасап, алғашқы маусымында 10 гол соқты. Кейін жеті жыл бойы (1979–1985) алматылық «Қайрат» клубында ойнап, 21 голдың авторы атанды.

1986 жылы сол кездегі КСРО-ның үздік клубтарының бірі – Днепропетровскінің «Днепр» командасына ауысты.

«Днепр» сапында Антон Шох КСРО чемпионы және ел кубогының иегері атанып, турнир финалында шешуші гол соқты. Сондай-ақ команда Чемпиондар кубогында (қазіргі Чемпиондар лигасы) сәтті өнер көрсетіп, ширек финалға дейін жетіп, Лиссабонның «Бенфикасынан» ұтылды.

Бұдан бөлек, Антон Шох «Днепрмен» бірге КСРО чемпионатының екі күміс жүлдесін және Суперкубокты иеленді. Ол КСРО олимпиадалық құрамына шақырылып, ұлттық командаға үміткерлердің қатарында болды. Эдуард Сон мен Александр Хапсалиспен бірге КСРО чемпионы атанған қазақстандық футболдың үш өкілінің бірі болып табылады.

2023 жылы бұл марапаттың иегері атанған ойыншы – «Қайрат» жартылай қорғаушысы Олжас Байбек. Ал келесі маусымда үздік жартылай қорғаушы атағын «Шахтер» футболшысы Роман Асылбаев иеленді.

Биылғы лонг-листке бес ойыншы енді: Руслан Рахметов («Ертіс»), Әлиден Мұсайыпов («Қайрат»), Найман Сәтенов («Шахтер»), Құдырет Ботабек («Ордабасы») және Даниял Назаров («Астана»).

Жеңімпаздың есімі 1 қарашада өтетін QJ League Awards салтанатты рәсімінде жарияланады.