«Қайрат» – Freedom QJ League U17 чемпионы!

Русланжан Раимбакиевтің шәкірттері «Актобемен» болған кездесуде 4:1 есебімен жеңіске жетті. «Сары-қаралар» сапынан Ислам Рақым, Нұрхад Нұрымов пен Сұлтанәлі Абдуали көзге түсті, тағы бір допты қарсылас қорғаушысы Мансур Усинов өз қақпасына енгізді. «Қызыл-ақтардың» жалғыз голын Аян Аманжолов соқты.

Осылайша, чемпионаттың аяқталуына бір тур қалғанда, «Қайрат» өз қарсыластарынан қолжетпес биіктікке шықты – команда «Ордабасыдан» бес ұпайға озық тұр. Алматылықтар Freedom QJ League-тің өздері қатысқан барлық төрт турнирінде (U18, U17, U16 және W) жеңімпаз атанды.