«Жас Қыран», «Астана», «Шахтер» – біреуі жүлдесіз қалады: Freedom QJ League-тің 21-турынан не білу керек

Барлық матчтар Арон Муса мен Диас Төлеуді еске алу мақсатында үнсіздік минутынан басталды.

Жүлдеге таласта үш команда қалды

Күміс пен қола медаль үшін күрестегі интрига сақталды, бірақ үміткерлер шеңбері тарылды. Қазір үздік үштікке кіруге тек «Жас Қыран» (40 ұпай), «Астана» және «Шахтер» (екеуінде де 39 ұпай) үмітті. Соңғы турда алғашқы екі команда өзара кездеседі.

«Ордабасы» мен «Ертіс» бұл бәсекеден тыс қалды. Шымкенттіктер «Астанадан» 0:1 есебімен жеңіліп, жүлдеге талас үмітінен айырылды. Жалғыз голды Алан Азамат соқты, пас – Максат Абраевтан. 85-минутта Тимур Рахимов пенальтиден есепті теңестіре алмады – добын көлденең бағана қайтарды.

Павлодарлықтар да «Жас Қыранға» 0:3 есебімен жол берді. Гол соққандар – Азамат Аскарұлы, Бекжан Хафизов және Ален Шакиров. Жангирхан Жанкұразов екі нәтижелі пас берді.

Макридов маусымды ерте аяқтады

«Шахтер» Қостанайдың «Тобылын» минималды есеппен ұтты. Барлық гол алғашқы таймда соғылды: 10-минутта Илья Гезик есеп ашты, 17-де Ержан Нұрпейісов таразы басын теңестірді. Алайда көп ұзамай Гезик дубль жасап, Глеб Макридовтың пасынан екінші голын соқты.

Макридов үшін бұл ойын сәтсіз аяқталды – 77-минутта ол төртінші сары қағазын алып, келесі турды өткізіп алады.

Қазір Глеб бомбардирлер тізімінде Даулет Орынбасармен тең – екеуінде де 19 голдан. Бірақ 16 жастағы «Қайрат» шабуылшысы алда көрсеткішін жақсарта алады.

«Қайрат» «Актобені» тас-талқан етті

Орынбасар Макридовтан екі голға қалып келе жатқан еді. Бұл айырмашылық «Актобемен» кездесуде жойылды – «сары-қаралар» 4:0 есебімен жеңіске жетті, ал Даулет дубль жасады. Сондай-ақ Ғани Әлімбек пен Алан Аракелянц бір-бір гол соқты – екеуіне де пас берген Аламгир Смаков.

«Каспийдің» өрлеуі

Ақтаулық команда үшін бұл тур сәтті өтті – «Қайсар» мен «Тобылдың» жеңілістері фонында «Каспий» соңғы сәттерде «Атырауды» тізе бүктірді. Қосымша уақытта Нұрасыл Жұмабеков жеңіс голын соқты, пас – інісі Ерасылдан.

Нәтижесінде «Каспий» үш орынға көтеріліп, соңғы орынды тастап, 9-орынға жайғасты. Енді турнир кестесінің соңында «Тобыл» тұр. Соңғы турда олар 11-орындағы «Қайсармен» кездеседі.

Тараздағы тас-талқан

Қызылордалықтар Таразда ірі жеңіліске ұшырады – 4:0. Гол авторлары: Данияр Лесбек, Азизжон Бердиев және Темірлан Блушинов (дубль). Қонақтар соңғы үшінші бөлікті бір ойыншы азайып ойнады – Ернар Парда 10 минутта екі сары қағаз алды.

«Тараз» кестенің төменгі жартысын бастап тұр және теориялық тұрғыда «Ертісті» қуып жетіп, жоғарғы ондыққа кіруі мүмкін. Ол үшін павлодарлықтардың сүрінуі мен «Қайраттан» жеңіс қажет.