«Ақылды» камералар мен FF Manager – Лиганың бірыңғай цифрлық экожүйесінде

– Бүгінгі таңда біздің камералар Астана, Шымкент және Қарағанды қалаларында орнатылған. Олар FF Manager цифрлық платформасына интеграцияланды – жаттығу үдерісін және чемпионат ойындарын талдау мақсатында үлкен жұмыс жүргізілді.

«Ақылды» камера арқылы жаттығуды бейнежазбаға алу үшін маманға өз күнтізбесіне кіріп, бір батырмамен камераның қосылу уақытын жоспарлау жеткілікті. FF Manager платформасы барлық қажетті мәліметтерді камераға автоматты түрде жібереді, сол арқылы жаттығу басталған сәтте оны тікелей эфирде бақылауға мүмкіндік береді.

Жаттығу аяқталғаннан кейін спорттық-сараптамалық бөлімінің сарапшылары жазбаны қарап шығып, жаттықтырушыға кері байланыс жібере алады, ал BigBro сервисі ойыншылардың техникалық-тактикалық әрекеттері мен фитнес деректерін талдайды.

Осылайша, FF Manager платформасы, «ақылды» камералар және статистика бірыңғай цифрлық экожүйеге біріктірілді. Бұл жаттығу үдерісін бақылауды едәуір жеңілдетіп, оның сапасын арттыруға мүмкіндік береді.

Алдағы уақытта Freedom QJ League жобаны Қазақстанның басқа өңірлеріне кеңейтуді және Лиганың барынша көп клубтарына қолжетімді етуді жоспарлап отыр.