Мёнхенгладбахтық «Боруссия» U-17 командасының жартылай қорғаушысы Пит Заутнер капитандық белгімен өткізген QJL All Star матчын қорытындылады.
– Өзімізді қатты кінәлайтындай ештеңе жоқ деп ойлаймын. Қарсылас мықты болды, оның үстіне олар бізден бір жас үлкен. Физикалық тұрғыдан бұл матч басқа ойындарға қарағанда әлдеқайда ауыр болды.
Бірақ, меніңше, біз алаң иелеріне лайықты төтеп бердік, сондықтан өз ойынымызға көңілім толады. Салыстырмалы түрде айтсақ, пенальти сериясы – бұл көбіне сәттілік мәселесі.
Қарсылас құрамынан кімді ерекше атап өте аламын ба? Менің есімде қалғаны, байқауымша, 7-нөмірдегі ойыншы (Дәулет Орынбасар). Ол өте жылдам болды, оған қарсы қорғану оңайға соққан жоқ.
Бірақ мен тек бір ғана ойыншыны бөліп жарғым келмейді. QJL All Star-дың бүкіл командасы өте ыңғайсыз әрі мықты қарсылас болып шықты: олар өзара өте жақсы байланыс орнатты, доппен де, допсыз да тамаша ойнады.
Бұл керемет тәжірибе болды. Бұл матч болмаса, біз Қазақстанға ешқашан келмес те едік. Біз көптеген ғажайып сәттерді бастан өткердік: тауға шықтық, атқа міндік, садақ атумен айналыстық.
Сонымен қатар бұл сапар жалпы команда ретінде біз үшін өте маңызды болды. Біз бұл құрамда бірге жаттығып жатқанымызға екінші апта ғана болды, осы саяхаттың арқасында біз жақсы ұйысып, бір-бірімізді жақынырақ тани түстік.
Жеңіспен қайтқанда бұдан да жағымды болар еді, бірақ онсыз да Қазақстанға жасаған сапарымыз өте керемет өтті. Мұндағы адамдар өте қонақжай, елдің табиғаты өте көркем.
«Хан-Тәңіріндегі» жалынды матч: QJL All Star құрамасы «Боруссияны» жеңді!
