Дәстүр бойынша Freedom QJ League бірінші айналымының қорытындысынан кейін Лиганың ресми фэнтези-турниріндегі футболшылардың бағасы қайта қаралды.
Қайта есептеуден кейін ең қымбат футболшылар – «Қайрат» ойыншылары Дәулет Орынбасар мен Абылай Төлеухан, сондай-ақ маусымның алғашқы жартысын Қазақстанның Екінші лигасында өткізген, «Ертіс» сапына қосымша тіркелген «джокер» Еламан Муликов. Олардың әрқайсысы 11 Freedom-Coins тұрады.
Бірінші айналым қорытындысы бойынша ең көп ұпай жинаған ойыншы – «Шахтер» жартылай қорғаушысы Расул Акимов. Қарағандылық команданың ойыншысы 11 матчтың барлығына қатысып, 12 гол соқты, 4 нәтижелі пас берді және фэнтези-турнирде 112 ұпай жинады.
Екінші орында – «Қайрат» қорғаушысы Алихан Абди. Ол 85 ұпай жинады, алайда қызыл қағазға байланысты келесі турды өткізіп алады. Үздік үштікті «кеншілердің» қорғаушысы Жанибек Жайлаубек түйіндеді – 79 ұпай.
Ойыншылардың бағасы қайта қаралуына байланысты құрамдар бастапқы күйге қайтарылды. Қатысушылар флагмандық турнирдің 12-туры басталғанға дейін Freedom-Coins қаражатын қайта бөліп, құрамдарын жаңадан жасақтауы қажет. Дедлайн – 25 шілде, сағат 14:59.
МАҢЫЗДЫ: Ойыншыларды таңдағаннан кейін құрамды сақтауды ұмытпаңыздар! Ауыстыру санына шектеу жоқ – оларды турлар арасында еркін жасауға болады.
Еске салайық, әр ойын аптасының қорытындысы бойынша Fantasy QJ League-де үздік құрам жасақтаған қатысушы Лиганың серіктесі – COPA.KZ ұсынған 20 000 теңгелік сертификатпен марапатталады. Маусым жеңімпазы iPhone 17 иеленеді, ал екінші және үшінші орын алған қатысушыларға тиісінше PlayStation 5 пен Apple Watch табысталады.
Сондай-ақ фэнтези-турнирдің Telegram желісінде жеке чаты бар. Онда жаңадан қосылған қатысушыларға көмектесуге дайын 300-ден астам адам бар. Қатарымызға қосылып, ұзақ әрі мазмұнды маусымның бір бөлігі болыңыздар!
Fantasy QJ League: оңтайлы құрамды жасақтап үлгеріңіздер!
