11 шілде күні «Хан-Тәңірі» стадионында өткен Freedom QJ League төртінші Жұлдыздар матчының фотоесебін назарларыңызға ұсынамыз.
«СЕНІҢ ҰШҚЫНЫҢ. БІЗДІҢ ЖАЛЫНЫМЫЗ»
Бұл тіркес – QJL All Star 2026 үшін таңдалған тұжырымдаманың негізгі идеясы.
Трибуналардың энергиясы команданың мінезімен тоғысып, осы ұшқыннан жеңістің таза жалыны тұтанады. От құштарлықты, мызғымас жігерді және эмоцияның шарықтау шегін білдіреді – мұның бәрі Жұлдыздар матчымен байланысты.
Фан-аймақтың безендірілуі, шоу-бағдарлама және графикалық айдентика – кештің әрбір элементі Мёнхенгладбахтың «Боруссиясымен» өткен қызу футбол бәсекесіне сай отты сарынмен көмкерілді.
СҮЙІКТІ ОЙЫН-САУЫҚТАР
Әрине, көрермендерді бұрыннан ұнаған белсенділіктер де күтті: аниматорлар, аквагрим, VR және AR аттракциондары, фотозоналар мен фуд-корт. Кештің тұжырымдамасы әрбір бөлшектен байқалды.
ЭКСКЛЮЗИВТІ АТРИБУТИКА
Өткен жылдардағыдай, стадионда осы QJL All Star-ға арналған ресми мерчті сатып алуға болатын еді. Лиганың серіктесі COPA.KZ сауда нүктесінің ассортиментінде матчтық жейделер, шарфтар мен доптар болды.
CHANGAN KAZAKHSTAN АЙМАҒЫ
Freedom QJ League Жұлдыздар матчтарының ажырамас бөлігіне айналған тағы бір орын – Astana Motors компаниялар тобына кіретін Changan Kazakhstan аймағы. Лиганың премиум-серіктесі брендтелген автокөліктерін және естелік суретке түсуге арналған арнайы стендін ұсынды. Сонымен қатар матчта қонақтардың сұрақтарына жауап беруге дайын кеңесшілер болды.
БАҒДАРЛАМАНЫҢ БАСТЫ БӨЛІГІ – ОТТЫ ШОУ
Матч басталар алдында, үзілісте және финалдық ысқырықтан кейін көрермендер нағыз жалын қолданылған әсерлі нөмірлерді тамашалады – QJL All Star тарихында мұндай шоу бұрын-соңды болмаған.
ТРИБУНАЛАР ЭНЕРГИЯСЫ
«Хан-Тәңірі» стадионына үлкені де, кішісі де бар 3 055 көрермен жиналды.
Секторлардың бірін алматылық жанкүйерлер иеленіп, дәстүрлі ұрандарымен, барабан үнімен және телефон шамдары арқылы жасалған перформанстарымен QJL All Star құрамасын алға жетеледі.
Жас жанкүйерлердің кейбірі QJL All Star футболшыларына да, қонақ команда ойыншыларына да арналған қолдан жасалған плакаттарын көрсетті.
Үлкен экранда Dance Cam екі рет қосылып, жанкүйерлер өз энергиясымен қуана бөлісті.
Көрермендерге орындарында Лиганың тағы бір серіктесі – ЮНИСЕФ волонтерлері көмектесті.
СЫЙЛЫҚ АЛМАСУ
Алғашқы ысқырықтың алдында Қазақстан футбол федерациясының бас хатшысы Скотт Манн, «Боруссия» директорлар кеңесінің мүшесі әрі клубтың аты аңызға айналған қақпашысы Уве Кампс, Changan Kazakhstan дистрибуция директоры Денис Коломацкий және Лига президенті Рохус Шох құттықтау сөз сөйледі.
Футболға сіңірген еңбегіне ерекше құрмет белгісі ретінде Германиядан келген екі қонаққа – Уве Кампс пен «Боруссия» бапкерлер штабының мүшесі, Еуропа чемпионы және әлем вице-чемпионы Кристиан Цигеге қазақтың шапандары табысталды.
Бұл ретте «қара-ақ-жасылдардың» вице-президенті құнды сыйлықты Евгений Яровенконың қолынан алды. Уве Кампс ГФР құрамасымен 1988 жылғы Олимпиаданың қола жүлдегері атанса, сол турнирде Лига амбассадоры Евгений Яровенко чемпион атанған еді.
КОМАНДА МІНЕЗІ
Негізгі уақытта гол соғылмаса да, матч эмоцияға толы болып, алаңда нағыз тартыс өрбіді.
ЖЕҢІС ЖАЛЫНЫ
Тартысты пенальти сериясы – және көптен күткен жеңіс QJL All Star құрамасына бұйырды!
Ойыншылар эмоциясын жасыра алмай, қуанышты сәтті бірге тойлап, бір-бірін құшақтады.
Қазақстандық команда құрамындағы үздік ойыншы – «Қайраттың» жартылай қорғаушысы Ислам Рақым.
«Боруссия» сапында MVP жүлдесін капитан Пит Заутнер иеленді.
Қуаныш киім ауыстыратын бөлмеде де жалғасты.
Тағы бір Жұлдыздар матчы артта қалды – осы аптада Лига тұрақты жарыстарға қайта оралады.
«Хан-Тәңіріндегі» жалынды матч: QJL All Star құрамасы «Боруссияны» жеңді!
