Бес ірі жеңіс: Freedom QJ League B-нің 12-турындағы жарқын сәттер

Көшбасшы жеңісті жалғастыруда – Толенди тағы да гол соқты!

КФФ Академиясы өз алаңында «Ұлытауды» ірі есеппен жеңді – чемпионат көшбасшылары жезқазғандықтарға бес гол соғып, қонақтар тек Мираc Мухамбетрохиманың пенальтиден соққан добы арқылы жауап қатты.
Иелер сапынан Сұлтан Дауренов (дубль), Платон Шипицин, Давид Заречный және «Астанадан» ауысқан Ануар Толенди көзге түсті. 14 жастағы шабуылшы енді U18 турниріндегі екі матчта екі гол соғып отыр – бұл әсерлі көрсеткіш.

Шымкенттіктер қудалауды жалғастыруда

«Оңтүстік» те қалысар емес – өткен жылғы U17 B турнирінің чемпиондары гол айырмасы бойынша үздік команда атағын нығайтып, «Алтайдың» қақпасына жауапсыз жеті гол соқты. Әлихан Әлі, Оралхан Құлмұрат және Темірлан Ермек дубль жасаса, тағы бір голды Арда Мухтаров енгізді.
Шымкенттіктерге КФФ Академиясымен теңесу үшін бір ғана ұпай жетпей тұр – бұл екі команда енді өзара кездеспейді, сондықтан алтынға үміткерлерге қалған алты турда жеңіске жетіп, бір мезгілде қарсыластың сүрінуін күту ғана қалады.

Өте нәтижелі апта

12-тур көп голымен қуантты – бес матчта барлығы 29 гол соғылды. «Қызылжар» «Ертісті» 5:2 есебімен ұтты, басқа кездесулерде де ірі есеп тіркелді – «Жеңіс» «Хан-Тәңіріні» 4:0 есебімен жеңсе, «Жетісу» мен «Оқжетпес» арасындағы ойын талдықорғандықтардың 4:1 есебімен пайдасына шешілді.