Freedom QJ League отбасылық фестивалі: спорттық ойындар, live-band, батыс дербиі және INDI концерті

2023 жылдың сәуір айында QJ лигасы салтанатты ашылу матчымен басталды. Келесі ірі матч 1 шілдеде Атырауда «Атырау» және «Ақтөбе» командалары арасындағы батыс дербиі аясындағы Freedom QJ League Family Fest атымен өтті.

 

Жанкүйерлер стадион алдындағы алаңға ойынның басталуына үш сағат қалғанда жинала бастады, мұнда оларды түрлі ойын-сауық шаралары күтіп тұрды. Олардың ішінде: үстел футболы, snowball, wind ball, сондай-ақ FIFA 23 футбол симуляторы мен басқа да ойындарды ойнауға болатын ойын консольдері.

 

Қонақтардың көңілдерін жанды музыкасымен live-band dynamica және аниматорлар көтерді, сондай-ақ түрлі сыйлықтар ойнатылды.

 

Фестивальдің хедлайнері матчтың үзілісінде өнер көрсеткен Қазақстан эстрадасының жұлдызы – Индира INDI Еділбаева болды.

 

Матчтың өзіне келетін болсақ, ол ойын алдындағы белсенділіктен еш кем түспеді. Кездесу шынымен де тартысты өтті. Ойынды Qazsport және QSport спорттық телеарналары тікелей эфирде көрсетті, сонымен қатар QJ League YouTube арнасында алғаш рет комментаторлар екі тілде қатар жұмыстеді.

 

Кездесудің нәтижесін қосымша уақытта соғылған бір гол шешті. Дарын Оспан «Ақтөбеге» жеңіс әкелді – 0:1.

 

Матчтан кейін QJ League серіктестері Қазақстан Футбол Федерациясы, Freedom Mobile және «Атырау» ФК жүлделері ойналды. Жеңімпаздар Қазақстан құрамасының жаңа жейдесімен, атыраулық үздік ойыншыс Нсунгуси Эфионгтың ойын жейдесімен, сондай-ақ iPhone 14 және Xiaomi mi Band 6-мен үйлеріне қайтты.

 

QJ League Президенті Рохус Шох: «QJ League – бұл қазақстандық футболдағы революция, біздің ұлдар 100% кәсіби деңгейде ұйымдастырылған турнирге қатысады.

 

Біз салтанатты ашылу матчын тамаша өткізіп, енді Атырауға да жеттік, мереке сәтті өтті деп ойлаймын. Матч алдындағы іс-шаралар, жүлделердің ұтысы, атақты әншінің өнері, бәрі де жоғары деңгейде өтті. Ал жанкүйер мұны растайды деп ойлаймын, трибунада 3000-нан астам адам, аймақтардағы жасөспірімдер футболында мұндай жағдай ешқашан болған емес.

 

QJ League бүкіл қазақстандық футбол үшін өзіндік қозғаушы күшке айналатынына және оның дамуына көмектесетініне сенімдімін».

 

«Ақтөбе» командасының бас бапкері Максим Габунов: «Менің ойымша, ойын тең дәрежеде өтті, бізде сәл ғана сәттілік болды, қақпашы пенальтиді жақсы қайтарды, соңында гол соға алдық, жеңіске өте қуаныштымын. «Атырау» – өте жақсы қарсылас, мұнда ойнау әрқашан қиын, менің ойымша, біз батыс дербиінде сәтті ойнадық, көп жанкүйерлер жиналды, матч тамаша ұйымдастырылды!»

 

«Атырау» командасының бас бапкері Валерий Нестеренко: «Менің ойымша, дерби сәтті өтті, екі команда да жақсы ойын көрсетті, соңында аздап зейінді жоғалтып, гол жіберіп алдық. Екінші таймда басымдық танытқан кезеңіміз болды, өкінішке орай гол соға алмадық, пенальти де соға алмадық. Жанкүйерлерге рахмет айтқым келеді, олар керемет атмосфера құрды! QJ League барған сайын биіктікке көтеріледі, матчтың ұйымдастырылуы жоғары деңгейде, оларға үлкен рахмет және болашақта сәттілік, лига ұзақ жылдар өмір сүреді деп сенемін!»

 

Жеңіс голының авторы Дарын Оспан: «Өте қиын ойын болды, атыраулық жанкүйерлер 12-ші ойыншыдай болып, бізге қысым көрсетті. Бірақ Құдайға шүкір, жеңіске жеттік. Барлығы жоғары деңгейде болды, қазақ эстрадасының жұлдызы Индира Еділбаеваның өнер көрсеткені қуантады».

 

«Атырау» қақпашысы Дархан Жұмаханов: «Қызықты ойын болды, қолдау көрсеткен жанкүйерлерге рахмет. Мен QJ League ұйымдастырушыларына алғыс айтқым келеді, біз өзімізді кәсіби футболшылардай сезінеміз. Ойынға келетін болсақ, бізге сәттілік жетіспеді, гол соға алмадық».