Лига жаттықтырушыларына арналған семинар: практикалық сабақтар қалай өтті

Бұл күн толықтай практикалық сабақтарға арналды. Қатысушылар алты топқа бөлінді, олардың әрқайсысы алғашқы күні берілген тақырыпқа («Ротация») арналған жаттығу жоспарын дайындаған болатын.

Әрбір практикалық сабақ ойыншыларға жаттығу жоспарын таныстырудан басталды. Семинарға көмектескен ойыншылар – «Астана» және «Жеңіс» футбол орталықтарының жасөспірімдері мен қыздары. Әр топқа 45 минуттан уақыт берілді. Сабақ барысында қатысушылар Лиганың спорттық-сараптамалық блогының сарапшыларынан кері байланыс алып, процесте түзетулер енгізе алды.

Семинардың кешкі бөлігі өткен жаттығуларды талдауға арналмақ. Әрбір микротоп өзіне бекітілген Лиганың спорттық-сараптамалық блогының сарапшысымен бірге жаттығуды талқылайды.

Семинардың үшінші, қорытынды күні жұмада өтеді. Онда жаттықтырушылар теориялық және практикалық сабақтар негізінде өз командаларында ротацияны жүзеге асыруға арналған тиімді құралдарды қалыптастырады.

Еске сала кетейік, семинар Лиганың спорттық-сараптамалық блогы мен Қазақстан футбол федерациясының Техникалық орталығының бірлесуімен өткізіліп жатыр. Оның арқасында жаттықтырушылар УЕФА конвенциясына сәйкес лицензияларын ұзарту үшін қажетті сағаттарды тегін ала алады.

QJ League бапкерлері Қазақстан – Уэльс матчының нәтижесіне болжам жасады

Лигаға САБ көзімен қарау: сарапшылардың жаңалықтарын қайдан оқуға болады