Freedom QJ League – MVP Awards жүлдесінің шорт-листінде!

Бұл сыйлық 2017 жылы спорттық маркетингке арналған халықаралық MARSPO конференциясы аясында құрылған және өткен жылы жаңа атауға ие болды. Әр жылдары оған UFC, ҚХЛ, «Зенит», ЦСКА, Asics сияқты ірі спорттық брендтер қатысқан.

Биыл сыйлыққа қатысу үшін 300-ден астам өтінім беріліп, оның ішінде 37 номинация бойынша 227 жоба шорт-листке іріктелді.

Лига келесі номинациялар бойынша жеңіс үшін таласады: «Үздік тақырыптық матч», «Маусымның ашылуы мен жабылуын үздік ұйымдастыру», «Үздік мерч және спорттық ұйым немесе оқиға атрибутикасы», «1 млн рубльге дейінгі бюджеттегі үздік әлеуметтік жоба», «Жас аудиториямен жұмыс бойынша үздік жоба», «3 млн рубльге дейінгі бюджеттегі үздік демеушілік активация» және «Инновациялық технологияларды үздік пайдалану».

Жеңімпаздарды марапаттау рәсімі 10 маусым күні Мәскеуде өтеді.