Freedom QJ League U-17, U-16, U-15: 3-турдың басты оқиғалары

«Қайрат» алғаш рет ұпай жоғалтты

«Ақтөбе» мен «Қайрат» арасындағы төрт ойынның үшеуі алматылық клубтың сенімді жеңісімен аяқталды. Алайда бір жас санатында — U-16 турнирінде — «қызыл-ақтар» фавориттен ұпай алып, стадионға жиналған жанкүйерлерді қуантты.

Оның үстіне, бұл матчта есепті дәл «Ақтөбе» ойыншылары ашты — 31-минутта Муслим Алибек гол соқты. Дегенмен алаң иелері басымдығын ұзақ сақтай алмады: үзіліске дейін «Қайрат» шабуылшысы Қайсар Ануарбек есепті теңестірді.

Екінші тайм толықтай голсыз өтті де, ойын 1:1 есебімен аяқталды. Осылайша «Қайрат» турнир кестесінде үшінші орынға түсті. Ал «Ордабасы» мен «Шахтер» өз матчтарында тиісінше «Атлетико» мен «Астананы» жеңіп, алға шықты.

«Ақтөбе» U-16 турнирінде алғашқы үш матчта мүмкін болған үш нәтижені де тіркеген алғашқы команда атанды. U-15 санатында «Шахтер» мен «Астана» да үш турдан кейін төрт ұпай жинады. Келесі турда оларды қандай нәтижелер күтіп тұр?

«Тобыл» U-15 командасының әсерлі сериясы

Егер үлкенірек жас санаттарында үш турдан кейін оңтүстік командалары мен «Шахтер» көш бастап тұрса, ең кіші турнирде ерекше фаворит анықталды — «Тобыл». Қостанай клубының 2012 жылы туған тәрбиеленушілері чемпионатты сенімді бастады: «Қайсарды» 7:0, «Ордабасыны» 3:1, ал «Каспийді» 5:1 есебімен жеңді.

Бұл ретте «Тобыл» тек қалыптасқан командалық механизмімен ғана емес — мысалы, «Қайсарға» қарсы қақпаға бағытталған 20 соққы және қарсыласта 0 соққы — жеке дарындарымен де қуантады. Мәселен, қазір мергендер көшін қостанайлық Артур Гарифуллин бастап тұр — оның еншісінде 5 гол және 1 ассист бар.

Төртінші турда «Тобыл» U-15 турниріндегі мінсіз сериясын сақтап келе жатқан екінші командамен — «Қайратпен» кездеседі. Бұл матч турдың орталық ойындарының бірі болары анық.

Нәтижелі бастама

А лигасының кіші жас санаттарындағы бірқатар ойыншылар өткен үш турдың әрқайсысында нәтижелі әрекетпен көзге түсіп үлгерді.

U-15 турнирінде бұл — «Тараз» шабуылшысы Арнұр Батырбай: 4 гол және 2 ассист. Сондай-ақ «Жас Қыран» форварды Жарас Ерік: 4 гол және 1 ассист.

U-16 санатында мұндай ойыншылар бірден алтау: Рамазан Келесхан — «Ордабасы», 3 гол және 3 ассист; Балахмет Әділбек — «Тобыл», 6 гол; Әділ Бекболов — «Жас Қыран», 3 гол; Максим Бонет — «Шахтер», 3 гол; Темірлан Байбулатов — «Шахтер», 3 гол; Дамир Алибаев — «Тобыл», 4 ассист.

Ал U-17 турнирінде екі футболшы тұрақты нәтижелілігімен ерекшеленді: Али Садырбаев — «Шахтер», 3 гол және 3 ассист; Темірлан Абжапар — «Қайрат», 3 гол және 2 ассист.

3-турдан кейінгі үздік сұрмергендер

Freedom QJ League U-17: Тамерлан Сарсымбаев — «Қайрат», 5 гол;
Freedom QJ League U-16: Балахмет Әділбек — «Тобыл», 6 гол;
Freedom QJ League U-15: Артур Гарифуллин — «Тобыл», 5 гол.

3-турдан кейінгі үздік ассистенттер

Freedom QJ League U-17: Али Садырбаев — «Шахтер», 3 голдық пас;
Freedom QJ League U-16: Дамир Алибаев — «Тобыл», 4 голдық пас;
Freedom QJ League U-15: Санжар Байдәулетов — «Ақтөбе», 4 голдық пас.