Freedom QJ League x Flagman: оқуын бастаған футболшылар

Тамыз айында Лига мен Flagman ынтымақтастық туралы келісімге келген болатын. Осы серіктестіктің алғашқы бастамаларының бірі – жас футболшылар арасындағы байқау еді. Негізгі жүлде ретінде онлайн-мектепте тегін оқу гранты ұсынылды. Байқау жеңімпаздары: Мансұр Болат (ҚФФ Академиясы), Әлішер Серіков («Атырау» 2009) және Асанәлі Іскендіров («Шахтер» 2009).

Сонымен қатар, QJL All Star құрамасының ойыншыларына ағылшын тілі курстарынан өту мүмкіндігі берілді. Flagman Online Лигадағы 25 футболшыға грант бөлді. Олардың қатарында Хасен Артурұлы, Азамат Мұсаев («Ақтөбе») және Ален Пак («Астана») бар.

Flagman Online – мемлекеттік лицензиясы бар Қазақстандағы алғашқы қашықтан білім беретін мектеп. Ол Астанадағы физика-математика бағытындағы FLAGMAN лицейі негізінде құрылған. Оқыту 2-ден 11-сыныпқа дейін қазақ және орыс тілдерінде өтеді, ал оқу бағдарламасының 40%-ы ағылшын тілінде жүргізіледі. Түлектер Қазақстан Республикасының мемлекеттік үлгідегі табельдері мен аттестаттарын алады.

Білім беру үдерісі шағын топтардағы тікелей онлайн-сабақтар арқылы өтеді. Сонымен қатар, оқушылар өткен сабақтардың жазбаларына қол жеткізе отырып, асинхронды форматта да оқи алады.

Барлық сабақтарды тәжірибесі кемінде 5 жыл, жоғары білімі бар білікті мұғалімдер, менторлар және кураторлар жүргізеді. Менторлар мен қолдау қызметі әрдайым байланыста болып, жеке көмек көрсетеді. Сондай-ақ, Flagman Online оқушыларымен психологтар мен кәсіби бағдар мамандары да жұмыс істейді, шетелге оқуға түсуге де бағыт-бағдар береді.

Freedom QJ League-дан бөлек, Flagman Online Қазақстанның теннис федерациясымен және футбол федерациясымен де серіктестік орнатқан. Онлайн-мектеп оқушыларының 30%-ы – спортшылар. Сонымен қатар, Flagman-да шетелде тұратын балалар да білім алады.