Евстафий Пехлеваниди жүлдесін назарларыңызға ұсынамыз!

Евстафий Пехлеваниди – кеңестік футболшы, КСРО спорт шебері.

Ол өз мансабын 1977 жылы Шымкенттің «Металлург» клубында бастаған. 1979 жылы команда сапында 28 гол соғып, келесі маусымда «Қайратқа» ауысты. 1980–1989 жылдар аралығында алматылық клубтың намысын қорғады. Пехлеваниди – КСРО Жоғарғы лигасындағы «Қайраттың» үздік сұрмергені. Он жыл ішінде «Пеха» 273 матчта 94 гол соғып, КСРО футбол федерациясы Кубогының иегері атанды, сондай-ақ 1984 жылғы маусымның 33 үздік футболшысы қатарына енді.

Бүгінгі күнге дейін Пехлеваниди «Қайрат» тарихындағы ең үздік сұрмерген атағын сақтап келеді, ал клубтың балалар академиясының бір филиалы оның есімімен аталады.

Бүгін Евстафий Алкивиадұлы 65 жасқа толып отыр. Мерейтой иесіне мықты денсаулық, ұзақ ғұмыр, отбасылық амандық және жаңа жетістіктер тілейміз!