Кішкентай мамандар – үлкен жұмыс үстінде: Changan Балалар туры қалай өтті

Биыл бұл ерекше күн Freedom QJ League аясында да өтті. Лиганың премиум серіктесімен бірлесе ұйымдастырылған жоба Changan Балалар туры деп аталды.

Жас жанкүйерлер өздерін түрлі мамандықтарда сынап көрді – алаңда да, оның сыртында да. Алматы, Астана, Павлодар және Тараз қалаларында өткен матчтарда ұлдар мен қыздар диктор, медиа-офицер, бейнеоператор және бапкер рөлін атқарды.

Балалар ойыннан кейін футболшылар мен жаттықтырушылардан сұхбат алды, тактикалық тақтада схемалар сызды және ұмытылмас әсерлерге бөленді. Әсіресе, «Ертіс» пен «Ордабасы» арасындағы кездесу ерекше есте қалды – сол күні комментатор Дмитрий Нестеренкоға оның ұлы Матвей көмекші болды.

Сонымен қатар, Changan Балалар туры Лиганың әлеуметтік желілерінде ерекше безендірілді – барлық графикалық материалдар балалардың суреттері стилінде жасалды.